އަޒްމިރަލްދާ ހުށަހެޅުއްވި މައްސަލަ ޖުޑިޝަރީ ކޮމިޓީން ބަލަން ނިންމައިފި

އަޒްމިރަލްދާގެ މައްޗަށް ސުލޫކީ މައްސަލަތަކެއް ބަލަމުން ދަނީ ބޭއިންސާފުން ކަމަށް ވިދާޅުވެ ތަހުގީގު ކޮމިޓީގައި ތިއްބެވި ތިން މެންބަރުންގެ މައްސަލަ ބެލުމަށް ފަނޑިޔާރު އަޒްމިރަލްދާ މަޖިލީހުގެ ޖުޑީޝަރީ ކޮމިޓީއަށް ހުށަހެޅުއްވިއެވެ. ޖޭއެސްސީގެ މެމްބަރުން އަމަލުކޮށްފައިވާ ބައެއް ގޮތް ގޮތް ކަމަށް ބުނެ ނުކުތާތަކެއް ވަނީ ހުށައަޅާފައެވެ. އެގޮތުން:

• ގާނޫނީ ވަކީލެއް ހޯދުމުގެ ހައްގުން ނިގުޅައިގަތުން
• އިޖުރާއީ ގޮތުން ފާހަގަކުރަން ބޭނުންވި ކަންކަން ފާހަގަކުރުމަށް އަޒްމިރަލްދާގެ ގާނޫނީ ވަކީލަށް އެ ފުރުސަތު ނުދިނުމާއި ކޮމިޓީގައި ވަކީލަށް ފުރުސަތެއް ނުދެވޭނެ ކަމަށް ކޮމިޓީން ބުނުން
• ތަހުގީގު މަރުހަލާގައި ގާނޫނީ ވަކީލަށް މަޝްވަރާކުރެވޭނެ ކަމަށް ގާނޫނުގައި އޮތް ނަމަވެސް އެ ކޮމިޓީން އެކަން މާނަކޮށްފައިވަނީ ފަނޑިޔާރުގެ ވަކީލަށް މުތުލޮގަށް އެ ބައްދަލުވުމުގައި ހަނު ހުންނަން ޖެހޭ މޭރުމުން ކަން
• ގާނޫނީ ވަކީލުގެ މަޝްވަރާއަށް ހުރަސް އަޅާފައިވުން
• ގާނޫނީ އަދި އިޖުރާއީ ކަންކަން ފާހަގަކުރުމަށް ވަކީލަށް ފުރުސަތު ނުދިނުމަކީ ގާނޫނުއަސާސީން ކަށަވަރުކޮށްދޭ އަސާސީ ހައްގަކުން ފަނޑިޔާރު މަހުރޫމް ކުރުން ކަން

އަޒްމިރަލްދާގެ ސިޓީގައި ޒާތީ މައުލޫމާތުތަކެއް ހިމެނޭ ކަމަށް ވިދާޅުވެ ކޮމިޓީގެ ރިޔާސަތުގައި އިންނެވި ނައިބު މުގައްރިރު އަދި ހުރާ ދާއިރާގެ މެންބަރު އަނާރާ ނައީމް ވަނީ ކޮމިޓީ ސިއްރު ކުރުމަށް ހުށަހަޅުއްވައިފައެވެ. ނަމަވެސް ސިޓީ ކިޔަމުންދާ ވަގުތު ޒާތީ މައުލޫމާތުތައް އުނިކުރައްވާނެ ކަމަށް ވަނީ ވިދާޅުވެފައެވެ. ޒާތީ މައުލޫމާތުތައް ހިމެނޭ ކަމަށް ވިދާޅުވެ ސިޓީ ކޮމިޓީއަށް އިއްވަމުން ދިޔަ ވަގުތުގެ ބޮޑު ބައިގައި ލައިވްސްޓްރީމްގެ އޯޑިއޯ ވަނީ މެދު ކަނޑާލާފައެވެ.

• ރައީސް މުހައްމަދު މުއިއްޒުގެ މެންބަރު ޔަޒްމީދު މުހައްމަދު
• ސިވިލް ސާވިސް ކޮމިޝަން (ސީއެސްސީ)ގެ ރައީސް މުހައްމަދު ނާސިހު
• ގާނޫނީ ވަކީލުން ތަމްސީލްކުރައްވާ މެންބަރު އަލީ އަބްދުއްލަތީފް

• ކަން ހިނގި ގޮތް ޖޭއެސްސީން ލިޔުމުން ހޯދުމަށް
• ޖޭއެސްސީގައި ހުރި އެ މައްސަލަތަކުގެ ލިޔެކިޔުންތަކާއި ސްޓެންޑަޑް އޮޕަރޭޓިން ޕްރޮސީޖާ (އެސްއޯޕީ)ތައް ނުވަތަ އޮންނަ އުސޫލުތަކުގެ ލިޔެކިޔުންތައް ހޯދުމަށް
• ލިޔެކިޔުންތައް ބެލުމަށް ފަހު ކޮމިޓީއަށް ހާޒިރުކުރަން ޖެހޭ ފަރާތްތައް ނިންމައި ހާޒިރުކުރުމަށް

• އަޒްމިރަލްދާގެ ފިރިކަލުން، އައިޖީއެމްއެޗްގެ ޑޮކްޓަރު އިސްމާއީލް ލަތީފް ބަންދު ނުކުރުމަށް ކްރިމިނަލް ކޯޓުގެ ގާޒީންތަކަކަށް އަޒްމިރަލްދާ އާއި މަހާޒު ނުފޫޒު ފޯރުވި ކަމަށް ބުނާ މައްސަލައެއް
• ހައި ކޯޓުގެ އެސިސްޓެންޓް ރެޖިސްޓްރާ މުހައްމަދު ހަނީފް ސުޕްރީމް ކޯޓަށް ހާޒިރުކޮށް، އޭރުގެ ފަނޑިޔާރު ހުސްނުއްސުއޫދު ހުތުރު ބަހުން ވާހަކަ ދެއްކެވި ކަމަށް ބުނެ، އެ ތަނުގައި އަޒްމިރަލްދާ އާއި މަހާޒު އިންނެވީތީ އެ މައްސަލަ ބެލުން
• ދިފާއުގައި އަޒްމިރަލްދާގެ ވަކީލު އިބްރާހީމް ޝަމީލް ނޫސްބަޔާން ނެރުއްވާތީ ވެސް ސުލޫކީ މައްސަލައެއް ބެލުމަށް ޖޭއެސްސީން ނިންމައި އޭގެ ނޯޓިސް ފަނޑިޔާރަށް ވަނީ ފޮނުވާފައި