މޯލްޑިވިއަންއިން އެ ކުންފުނީގެ އޮޕަރޭޝަންތަކުގައި ބޭނުންކުރުމަށް ފަސްވަނަ އޭޓީއާރް އެއަރކްރާފްޓް ގެނެސްފިއެވެ.
ގައުމީ އެއަރލައިން މޯލްޑިވިއަން އިން މި އުޅަނދު ގެނައުުމަށް ތައްޔާރުވެފައިވާކަން ހާމަކުރީ ދާދި ފަހުންނެވެ. މިހާރު އުޅަނދު ރާއްޖެއަށް ގެނެސްފައިވާއިރު ޖެއްސުމާއިއެކު އެ މުނާސަބާ ފާހަގަކުރުމުގެ ގޮތުން ވޯޓާރ ސެލިއުޓް ހަރަކާތެއް ކުރިއަށް ގެންގޮސްފައިވެއެވެ.
މޯލްޑިވިއަންއަށް އެންމެ ފުރަތަމަ އޭޓީއާރް މަތިންދާ ބޯޓު ގެނެސްފައިވަނީ 2023 ވަނަ އަހަރުގެ ތެރޭގައެވެ. އެއަށްފަހު މި ފަލްއިޓު ގެނައުމުގެ ކުރިން އޭޓީއާރް އޭޓީއާރް72 މަރުކާގެ 70 ފަސިންޖަރުންގެ ފްލައިޓާއި އޭޓީއާރް42 މަރުކާގެ 46 ފަސިންޖަރުންގެ ފްލައިޓް ބޭނުން ކުރަމުން އައިސްފައިވާކަން ފާހަގަކޮށްލެވެއެވެ.
މޯލްޑިވިއަންއަކީ ވެލާނާ އެއަރޕޯޓުން ރާއްޖޭގެ 17 މަންޒިލަކަށް ދަތުރުކުރާ ކުންފުންޏެކެވެ. އޭޓީއާރްގެ އިތުރުން އެ ކުންފުނީގެ ބެލުމުގެ ދަށުން ޑޭޝް 8 މަރުކާގެ ފްލައިޓާއި އެއަބަސް އަދި ސީޕްލޭންތައްވެސް އޮޕަރޭޓްކުރެއެވެ.
