މާލޭގައި ހުންނަ ވިލިމާލެ ފެރީ ޓާމިނަލް ފިހާރައިގެ ފުރާޅުގެ ޓިނު ނަގައިގެން ވަދެ، ވައްކަންކޮށްފި އެވެ.
ފުލުހުން މީޑީއާއަށް ފޮނުވި މެސެޖުގައި ބުނެފައި ވަނީ މާލޭގައި ހުންނަ އެމްޓީސީސީ ވިލިމާލެ ފެރީ ޓާމިނަލްގައި ހިންގާ ފިހާރައިން ވައްކަން ކޮށްފައިވާ މައްސަލައެއް އިއްޔެ ފުލުހަށް ހުށައަޅާފައިވާ ކަމަށެވެ.
މި ޙާދިޞާ ހިނގާފައިވަނީ ހުކުރު ވަގުތަށް ފިހާރަ ބަންދުކޮށްފައި ހުއްޓައި ފުރާޅުގެ ޓިނުނަގައިގެންވަދެއެވެ.
މިގޮތުން އެ ފިހާރައިން ފޯނަކާއި ފައިސާ ވަގަށް ގެންގޮސްފައިވާ ކަމަށް ފުލުހުން މީޑިއާއަށް މަޢުލޫމާތު ދީފަވެއެވެ.
ފުލުހުން ބުނީ އެ މައްސަލަ ފުލުހުން ތަޙުޤީގުކުރަމުންދާކަމަށެވެ.
