ހަލާލް ޓޫރިޒަމް ޑެސްޓިނޭޝަނެއްގެ ގޮތުގައި ކުރިއަށް ގެންދިޔުމަށް ނިންމަވައިފިކަމަށް ރައީސް ވިދާޅުވެއްޖެއެވެ.
ރައީސް މިފަދައިން ވިދާޅުވީ، އެކްސް ޕްލެޓްފޯމުގައި ކުރެއްވި ޕޯސްޓެއްގައެވެ.
އެމަނިކުފާނު ވިދާޅުވީ، ދިވެހިރާއްޖޭގެ ފަތުރުވެރިކަމުގެ ސިނާއަތަކީ މުޅި ދުނިޔެއިން އެންމެ ފާހަގަކޮށްލެވޭ ފަތުރުވެރިކަމުގެ ސިނާއަތްކަމަށެވެ. އަދި ދިވެހިރާއްޖޭގެ މިވަގުތުގައިވެސް މަޝްހޫރުވެފައިވަނީ ދެމެހެއްޓެނިވި ގޮތެއްގައި ފަތުރުވެރިކަން ސިނާއަތް ކުރިއަށް ގެންދިޔުމާއި، ރާއްޖެއަށް ޒިޔާރަތްކުރާ ފަރާތްތަކަށް އެންމެ ފުރިހަމަ ތަޖުރިބާ އަދި މެހެމާންދާރީ އަދާކުރާ ގައުމެއްކަމަށެވެ.
މީގެއިތުރުން ރައީސް ވަނީ، ހަލާލް ޓޫރިޒަމް ޑެސްޓިނޭޝަންއެއްގެ ގޮތުގައި ކުރިއަށްގޮސް، އެ ނީޝް މާކެޓުގައި ކުރިއަށް ދިޔުމަކީ އަމާޒެއްކަމަށް ވިދާޅުވެފައެވެ. އަދި، ރާއްޖޭގެ އެކި ރަށްތަކަކީ، ހަލާލް ޓޫރިޒަމްއަށް ހާއްސަކޮށްފައިވާ ތަންތަނަށް ހަދާ، އެތަންތަން ތަރައްގީކުރުމަށް ސަރުކާރުން ނިންމައިފިކަމަށެވެ. އަދި މި ނިންމުމާއިއެކު، އިންވެސްޓަރުން، މިކަމަށް އިންވެސްޓުކުރުމަށް ބާރުއެޅުމުގެ ގޮތުން ތަފާތު އެކި އިންސެންޓިވެސް ދެއްވާނެކަމަށް ރައީސް ވިދާޅުފައެވެ. މިއީ، ރާއްޖޭގެ ފަތުރުވެރިކަމުގެ ސިނާއަތް ޑައިވާސިފައިކޮށް، ރާއްޖެއިން ފަތުރުވެރިންނަށް ދޭ ހިދުމަތް އިތުރަށް ފުޅާވެގެންދާނެކަމަށް ރައީސް ވިދާޅުވިއެވެ.
ރައީސް ވިދާޅުވީ، އަންނަ ހަފްތާގައި، މި ނިންމުމުގެ އިތުރު ތަފްސީލުތައް ހާމަކުރައްވާޏެކަމަށާއި، ހަލާލް ޓުރިޒަމް ނީޝް މާކެޓަށް އިންވެސްޓުކުރާ ފަރާތްތަކަށް ރާއްޖެ ހުރީ ތައްޔާރަަށްކަމަށެވެ.
