އިންތިޒާރުގައި މުޅި ދުނިޔެ ނަޒަރު ހުއްޓާލައިގެންހުރިކަމުގައިވީނަމަވެސް، ރާއްޖޭގެ ރައްޔިތުން ބަރޯސާވެގެން ތިބީ، ދިވެހި ޒުވާނުންނަށް ކަމަށް ޔޫތު މިނިސްޓަރު އިބްރާހީމް ވަހީދު (އަސްވާޑު) ވިދާޅުވެއްޖެ އެވެ.
ޒުވާނުންގެ ދުވަހުގެ މުނާބަތާއި ގުޅިގެން، މިނިސްޓަރު ޝާއިއުކުރެއްވި ބަޔާނުގައި ވިދާޅުވީ، ދިވެހިރާއްޖޭގައި، ދިވެހި މުޖުތަމައުގެ ވަރުގަދަކަން އޮތީ، ދިވެހިރާއްޖޭގެ ހިތުގެ ތެޅުންކަމުގައިވާ، ކެއްތެރި، އުފެއްދުންތެރި އަދި އެއްބައިވަންތަ ޒުވާނުންކަމަށެވެ.
މިނިސްޓަރު ވިދާޅުވީ، ދެމެހެއްޓެނެވި ތަައްގީގެ ލަނދުދަނޑިތަކަކީ، ހަމައެކަނި ދުނިޔޭގެ އަމާޒުތަކެއްނޫންކަމަށެވެ. އެއީ، ރަށްތަކާއި، ބަނދަރުތަކާއި، ކްލާސްރޫމްތަކާއި، އަދި ފަރުތަކުގައި އަޅުގަނޑުމެންގެ ދުވަހުން ދުވަހަށް ކުރާ ޢަމަލުތަކުން ދިރުވަންޖެހޭ އެއްޗެއްކަމަށެވެ. އަދި،ދިވެހި ޒުވާނުން ވާރޭފެން ނަގައި ރައްކާކުރުމާއި، ކަނޑޫފާ އާލާކުރުމާއި، އަދި ދެމެހެއްޓެނިވި ގޮތެއްގައި ކުނި މެނޭޖްކުރުން ފަދަ މޫސުމަށް އަންނަ ބަދަލުތަކާ ގުޅޭ މަސައްކަތްތައް އިސްނަގައިގެން ކުރިއަށް ގެންދަނީ މޫސުމަށް އަންނަ ބަދަލުތަކާ ގުޅޭ ޢަމަލީ މަސައްކަތްތައް ކުރިއެރުވުމަށެވެ.
މިނިސްޓަރު ވިދާޅުވީ، މޫސުމަށް އަންނަ ބަދަލުތަކުގެ ސަބަބުން އެންމެ ބޮޑަށް ނާޒުކު ޙާލަތެއްގައި އޮތް ޤައުމެއްގެ ގޮތުގައި، މޫދުގެ ލޮނުގަނޑު އުފުލި އަދި ހަރުކަށި މޫސުމީ ޙާލަތްތަކުން އަޅުގަނޑުމެންގެ ގެދޮރާއި ތަރިކައަށް ނުރައްކާވަމުންދާއިރު، އިޔާދަކުރަނިވި ހަކަތައާއި ކެރުންތެރިކަން އި އިތުރުކުރުމުގައި ތިބާމެންގެ ލީޑަރޝިޕް ވަރަށް މުހިންމެވެ.
އެއް ދަރިވަރު އަނެއް ދަރިވަރަށް ކިޔަވައިދިނުމާއި ޑިޖިޓަލް ހުނަރު ދަސްކޮށްދިނުމުގެ ޕްރޮގްރާމްތަކުގެ ތެރެއިން، ތިބާމެން ކަށަވަރުކުރަނީ ފެންވަރު ރަނގަޅު ތަޢުލީމު ކޮންމެ އަތޮޅަކަށްވެސް ފޯރުކޮށްދެވޭކަމަށް މިނިސްޓަރު ވިދާޅުވިއެވެ. އެހެންނަމަވެސް، ގިނަ ޝަރުޠު ހަމަވާ ޒުވާނުން މި ފުރުޞަތުތައް ބޭނުން ނުކުރެވޭކަމަށް މިނިސްޓަރު ވިދާޅުވިއެވެ. އެގޮތުން، މިނިސްޓަރު ވަނީ، މި ވަސީލަތްތައް ބޭނުންކޮށް އަދި ކުރިއަރުވައި، އެއްވެސް މީހަކު ބާކީނުވާ ގޮތަށް މަސައްކަތްކުރުމަށް ގޮވާލައްވައިފައެވެ. އަދި، ޒުވާން ފީނުންތެރިންނާއި ކަނޑުގެ ދިރުން ހިމާޔަތްކުރުމަށް މަސައްކަތްކުރާ ފަރާތްތަކުން އަޅުގަނޑުމެންގެ ފަރުތައް ރައްކާތެރިކުރަމުން، ކަނޑުގެ ދިރުން ތަޖައްސަމުކުރަމުށާއި، ކަނޑުތަކާއި ދިރިއުޅުމުގެ ވައްޓަފާޅި ރައްކާތެރިކުރުމަށް ކަނޑުގެ ދިރުން ބެލެހެއްޓުމާއި ދެމެހެއްޓެނިވި މަސްވެރިކަމަށް ވަކާލާތުކުރުމުގައި ޒުވާނުން އިސްނެގުމަށް މިނިސްޓަރު ގޮވާލެއްވިއެވެ.
މިނިސްޓަރު ވިދާޅުވީ، 2030 އަށްވުރެ އެތައް އަހަރެއް ފަހުންވެސް، ޒުވާނުން، ދިވެހިންގެ އަމިއްލަވަންތަކަމާއި، އާދަކާދަތަކާއި، މެހެމާންދާރީ ދަމަހައްޓަމުން، މުސްތަގުބަލުގެ ސިނާޢަތްތަކަށް އައު ގޮތްތައް ހޯދަންޖެހޭކަމަށެވެ، އަދި، މިއަދު ޒުވާނުން ކުރާ ޢަމަލުތަކުން ނިންމާނީ ދިވެހިންގެ ބަސް ދިރިހުރޭތޯއާއި ތަރިކަ ދެމިހުރޭތޯ، އަދި މިތަކެތި ދިވެހި މުޖުތަމަޢުތައް ފޯރިގަދަކަމާއެކު ދެމިހުރޭތޯކަމަށް މިނިސްޓަރު ވިދާޅުވިއެވެ.
މިނިސްޓަރު ވިދާޅުވީ، ޒުވާނުން ބާރުވެރިކުރުވުމާއި، މަޢުލޫމާތާއި އަދި ފަންނުވެރިކަމުގެ ވުޒާރާއިން ޒުވާނުންގެ ކާމިޔާބީއަށް ފުރުޞަތުތައް ހޯދައިދިނުމަށް ދަނީ ވަރަށް ބޮޑަށް މަސައްކަތްކުރާކަމަށެވެ. އަދި، އެ މިނިސްޓްރީން މިހާރު ދަނީ ތިބާމެންގެ ލަފާގެ މަތިން ޤައުމީ ޒުވާނުންގެ ސިޔާސަތެއް އެކުލަވާލަމުންކަމަށާއި، އެ ސިޔާސަތުގައި ދިވެހި ޒުވާނުންގެ ބޭނުންތައް ހިމެނޭކަން ކަށަވަރުކުރެވޭނެކަމަށް މިނިސްޓަރު ވިދާޅުވިއެވެ.
މިނިސްޓަރު ވިދާޅުވީ، 2025 ވަނަ އަހަރުގެ އޯގަސްޓު މަހުގެ 27 އިން 30 އަށް ބޭއްވޭ ޒުވާނުންގެ މަހްރަޖާގައި ތިބާމެންގެ ހުނަރުތަކާއި ޚިޔާލުތައް ފާހަގަކުރެވޭނެކަމަށާއި،އިޖްތިމާޢީ، ތަޢުލީމީ އަދި އުފެއްދުންތެރި ޙަރަކާތްތަކުގެ މަރުކަޒެއްގެ ގޮތުގައި ’ޔޫތު ތާޑް ސްޕޭސް‘ އަކީ ގުޅުން ބަދަހިކޮށް އައު ގޮތްތައް ހޯދުމަށް ރައްކާތެރި ތަނެއްގެ ގޮތުގައި ވެގެންދާނެކަމަށެވެ.
މިނިސްޓަރު ވިދާޅުވީ، ޒުވާނުންނަށް ވާރުތަވެފައިވަނީ، ނާޒުކު ނަމަވެސް ރީތި ދިވެހިރާއްޖެކަމަށެވެ. އަދި، މި ގައުމަކީ، މިވަގުތު ކުރިމަތިލަމުންދާ މޫސުމަށް އަންނަ ބަދަލުތަކާއި، އިގްތިސާދި ބަދަލުތަކާއި އަދި ޓެކްނޮލޮޖީގެ ކުރިއެރުންތައް ލިބެމުންދާ ގައުމެއްކަމަށް މިނިސްޓަރު ވިދާޅުވިއެވެ. މީގެއިތުރުން، ޒުވާނުން އިސްނަގައި، އައު ގޮތްތައް ހޯދުމަށް، ޒުވާނުންނަށް ލިބިފައިވާ ފުރުސަތުތައް ވަރަށް ގިނަ ކަމަށް މިނިސްޓަރު ވިދާޅުވިއެވެ.
މިނިސްޓަރު ވަނީ، ރާއްޖޭގެ ރަށްތަކަށް ހެޔޮ ބަދަލެއް ގެންނައުމަށްޓަކައި، ޒުވާނުން ލޯކަލް ފެންވަރުގައި އަމަލުކުރަން ފެށުމަށް ގޮވާލާކަމަށެވެ. އަދި، ރާއްޖޭގެ ޒުވާނުން ކުރާކަމެއްގެ އިންތިޒާރުގައި މުޅި ދުނިޔެ ނަޒަރު ހުއްޓާލައިގެންހުރިކަމުގައިވީނަމަވެސް، ރާއްޖޭގެ ރައްޔިތުން ބަރޯސާވެގެން ތިބީ، ދިވެހި ޒުވާނުންނަށް ކަމަށެވެ.
