ދިވެހިރާއްޖޭގެ ތިމާވެށި ރައްކާތެރިކޮށް، ކުނި މެނޭޖްކުރުމުގެ ނިޒާމު ހަރުދަނާކުރުމަށް އަޅަމުންދާ މުހިންމު ފިޔަވަޅުތަކުގެ ތެރެއިން އަނެއްކާވެސް އިތުރު ކުރިއެރުމެއް ވަނީ ލިބިފައެވެ. އެގޮތުން، އޭޝިއަން ޑިވެލޮޕްމަންޓް ބޭންކް (އޭޑީބީ)ގެ ހިލޭ އެހީއާއި ސަރުކާރުގެ ޚަރަދުގައި ހިންގޭ ގްރޭޓަރ މާލެ އެންވަޔަރަމަންޓަލް އިމްޕްރޫވްމަންޓް އެންޑް ވޭސްޓް މެނޭޖްމަންޓް ޕްރޮޖެކްޓްގެ ދަށުން 4 ރަށެއްގައި ކުނި މެނޭޖްކުރާ މަރުކަޒު ގާއިމުކުރުމަށް ވަނީ އެއްބަސްވުމުގައި ސޮއިކުރެވިފައެވެ.
މި މަޝްރޫޢުގެ ދަށުން ކުނި މެނޭޖްކުރާ މަރުކަޒުތައް ގާއިމުކުރެވޭނީ ކ. މާފުށި، ކ. ތުލުސްދޫ، އދ. މަހިބަދޫ އަދި އދ. ހަންޏާމީދޫގައެވެ. މި މަޝްރޫޢުގެ އެއްބަސްވުންތަކުގައި ސޮއިކުރެވިފައިވަނީ 2025 އޮގަސްޓު 20 ވަނަ ދުވަހުއެވެ. މިއީ ދިވެހިރާއްޖޭގެ ތިމާވެށި ރައްކާތެރިކުރުމަށް އެޅޭ އިތުރު މުހިންމު ފިޔަވަޅެކެވެ.
ކ. ތުލުސްދޫ އަދި ކ. މާފުށީގެ މަރުކަޒުތައް ގާއިމުކުރުމުގެ މަސައްކަތް ހަވާލުކުރެވިފައިވަނީ ވީ އަވަރ އިންވެސްޓްމަންޓް ޕްރައިވެޓް ލިމިޓެޑްއަށެވެ. މި ދެ މަރުކަޒު ގާއިމުކުރުމަށް ދެވިފައިވާ މުއްދަތަކީ 120 ދުވަހެވެ. މި މަސައްކަތުގެ ޖުމްލަ އަގަކީ 5,817,947.70 ރުފިޔާއެވެ.
އދ. މަހިބަދޫގެ ކުނި މެނޭޖްކުރާ މަރުކަޒު ގާއިމުކުރުމުގެ މަސައްކަތް ހަވާލުކުރެވިފައިވަނީ ސަނީ ލޭންޑް އިންވެސްޓްމަންޓް ޕްރައިވެޓް ލިމިޓެޑްއަށެވެ. މި މަސައްކަތަށް ދެވިފައިވާ މުއްދަތަކީވެސް 120 ދުވަހެވެ. މި މަސައްކަތުގެ ޖުމްލަ އަގަކީ 4,269,446.82 ރުފިޔާއެވެ.
އދ. ހަންޏާމީދޫގެ ކުނި މެނޭޖްކުރާ މަރުކަޒު ގާއިމުކުރުމުގެ މަސައްކަތް ހަވާލުކުރެވިފައިވަނީ އެލީޓް އިންޓަރނޭޝަނަލް ޕްރައިވެޓް ލިމިޓެޑްއަށެވެ. މި މަސައްކަތަށް ދެވިފައިވާ މުއްދަތަކީ 150 ދުވަހެވެ. މި މަސައްކަތުގެ ޖުމްލަ އަގަކީ 4,697,103.38 ރުފިޔާއެވެ.
މި މަރުކަޒުތައް ގާއިމުކުރުމުގެ އިތުރުން، މިނިސްޓްރީ އޮފް ޓޫރިޒަމް އެންޑް އެންވަޔަރަމަންޓުން ވަނީ މި ރަށްރަށުގެ ކައުންސިލްތަކާ ކުނި މެނޭޖްކުރުމަށް ބޭނުންވާ މުހިންމު އިކުއިޕްމަންޓްތަކެއް ހަވާލުކޮށްފައެވެ. މީގެ ތެރޭގައި ހިމެނެނީ:
- ރަށުތެރޭ ކުނި އުފުލުމަށް ބޭނުންކުރާ ވެހިކަލް
- ދަޅުފިއްތާ މެޝިން
- ވުޑް ޗިޕަރ
މި މަޝްރޫޢަކީ ދިވެހިރާއްޖޭގެ ރަށްރަށުގައި ކުނި މެނޭޖްކުރުމުގެ ނިޒާމު ހަރުދަނާކޮށް، ތިމާވެށި ރައްކާތެރިކުރުމަށް އެޅޭ މުހިންމު ފިޔަވަޅެކެވެ. މި މަރުކަޒުތައް ގާއިމުކުރެވުމުން، ރަށްރަށުގައި އުފެދޭ ކުނި އެކަށީގެންވާ ގޮތެއްގައި މެނޭޖްކުރެވި، ތިމާވެށްޓަށް ކުރާ ނޭދެވޭ އަސަރުތައް ކުޑަކުރެވިގެންދާނެއެވެ.
މި މަޝްރޫޢުގެ ސަބަބުން ރަށްރަށުގެ ސާފުތާހިރުކަން އިތުރުވެ، ރައްޔިތުންގެ ދިރިއުޅުމުގެ ފެންވަރު މަތިވެގެންދާނެއެވެ. އަދި މިއީ ދެމެހެއްޓެނިވި ތަރައްޤީގެ ލަނޑުދަނޑިތައް ހާސިލުކުރުމަށް އެޅޭ މުހިންމު ފިޔަވަޅެއްވެސް މެއެވެ.
