ސިނަމާލެ ބްރިޖްގެ މެއިންޓެނެންސް މަސައްކަތެއް ކުރުމަށްޓަކައި ބްރިޖުން ބައެއް މިރޭ ބަންދު ކުރާނެ ކަމަށް ދިވެހި ފުލުހުންގެ ޚިދުމަތުން ބުނެފިއެވެ.
ޑިސެންބަރު 15 ވަނަ ދުވަހުގެރޭ 23:45 އިން ފެށިގެން މަސައްކަތް ނިމެންދެން ބްރިޖްގެ އުތުރު ފަރާތު ލޭނު ބަންދުކޮށް ޓްރެފިކް ފްލޯއަށް ބަދަލު ގެނައުމަށް ހަމަޖެހިފައިވާކަމަށް ފުލުހުން އެކްސްގައި ކޮށްފައިވާ ޕޯސްޓެއްގައި ބުނެފައިވެއެވެ.
ސިނަމާލެ ބްރިޖްގެ މެއިންޓެނެންސް މަސައްކަތް ކުރަނީ މީގެ ކުރިންވެސް އެ މަސައްކަތް ކުރި ޗައިނާ ކޮމިއުނިކޭޝަންސް ކޮންސްޓްރަކްޝަން ކޮމްޕެނީ (ސީސީސީސީ) އިންނެވެ. އެ ކުންފުންޏަކީ ބްރިޖް އެޅި ކުންފުނިވެެސް މެއެވެ. ސީސީސީސީ އަށް ސިނަމާލެ ބްރިޖު މެއިންޓަނަންސް ކުރުމަށް ސަރުކާރުން ހަވާލުކޮށްފައިވަނީ ތިން އަހަރުގެ މުއްދަތަކަށެވެ.
