އެމްޑަބްލިޔުއެސްއީގެ އެމްޑީގެ މަގާމުން އަބްދުލް މަތީން އިސްތިއުފާ ދެއްވައިފިއެވެ.
މަތީން މިކަން ހާމަކުރެއްވީ ”އެކްސް“ ގައި ކުރެއްވި ޕޯސްޓެއްގަ އެވެ.
އޭނާ އެ މަގާމުން އިސްތިއުފާ ދެއްވި ސަބަބެއް އަދި ހާމައެއް ނުކުރެއެވެ. މަތީން އެމްޑަބްލިއުއެސްސީގެ އެމްޑީގެ މަގާމަށް އައްޔަން ކުރީ 2023 ގެ ނޮވެމްބަރު 28 ގައެވެ.
ދާދިފަހުން ސަރުކާރުގެ އެކި މަގާމުތަކުގައި ތިއްބެވި ބޭފުޅުން ވަނީ މަގާމުން އިސްތިއުފާ ދޭން ފަށާފައެވެ. އަދި ބައެއް މަގާމުތަކުން މީހުން ވަނީ ވަކިވެސް ކޮށްފައެވެ. އެގޮތުން އެމްޕީއެލްގެ އެމްޑީ އާއި މިފްކޯގެ ސީއީއޯ ވެސް ވަނީ އިސްތިއުފާ ދެއްވާފަ އެވެ.
މިދިޔަ ދެ ހަފުތާގެ ތެރޭ ފެނަކައާއި، އެމްޕީއެލްގެ ވެރިން ވެސް ވަނީ އިސްތިއުފާ ދެއްވައިފައެވެ. އަދި ފެނަކައާއި، އެޗްޑީސީގެ އިސް ބައެއް މަގާމުތަކުގައި ތިއްބެވި ބޭފުޅުންނަށް ވެސް ވަނީ ބަދަލު ގެނެސްފައެވެ.
މަގާމުތަކުން ބޭފުޅުން އިސްތިއުފާދީ އަދި ވަކިކުރާ ސަބަބެއް މިހާތަނަށްވެސް ސާފުވެފައެއް ނުވެއެވެ.
