ރ. ދުވާފަރު ސްކޫލްގައި އިތުރު ކްލާސްރޫމްތައް އެޅުމުގެ މަސައްކަތް ހަލުވި ކަމާއެކު ކުރިއަށްދާ ކަމަށް އެމްޓީސީސީއިން ހާމަކޮށްފިއެވެ.
އެ މަޝްރޫއުގެ ދަށުން މިހާރު ކުރިއަށްދަނީ އެކްސްޓާނަލް ޕްލާސްޓަރިންގެ މަސައްކަތްތައްކަމަށް އެމްޓީސީސީއިން މައުލޫމާތުދެއެވެ.
ދުވާފަރު ސްކޫލް ހިމެނޭހެން 18 ރަށެއްގެ ސްކޫލްތަކުގެ ނުނިމި ހުރި މަސައްކަތްތައް ކުރުމަށް ތިން ކުންފުންޏަކާއި ސަރުކާރުން ހަވާލުކުރީ މިދިޔަ އަހަރުގެ ތެރޭގައެވެ. ދުވާފަރު ސްކޫލްގައި ހަތަރު ކްލާސްރޫމް އެޅުމުގެ މަސައްކަތް ސަރުކާރުން ހަވާލުކުރީ އެމްޓީސީސީއަށެވެ. މި މަޝްރޫއުތަކުގެ މަސައްކަތް ކުރިއަށް ގެންދިއުމަށް ޖުމްލަ 114.9 މިލިއަން ރުފިޔާއަށް އަރާ ކަމަށް ތައުލީމާއި ބެހޭ ވުޒާރާއިން ކުރިން ހާމަކޮށްފައިވާކަން ފާހަގަކުރެވެއެވެ.
