ދިރާގު ހޯމް ފިކްސްޑް ބްރޯޑްބޭންޑްގެ ޚިދުމަތް ހޯދަމުންގެންދާ ކަސްޓަމަރުންނަށް، ހިލޭ އިންޓަރނެޓް ބޭނުންކުރުމަށް 10 ޖީބީގެ ބޫސްޓަރއެއް ދިނުމަށް ދިރާގުން ނިންމައިމިއެވެ.
10 ޖީބީގެ ބޫސްޓަރއެއް ދިނުމަށް ދިރާގުން ނިންމައިފައިވަނީ، ކޯވިޑް-19 އާއި ގުޅިގެން، ސުކޫލުތަކާއި، ކޮލެޖުތައް ބަންދުކޮށް، ގިނަބަޔަކު ގޭގައި އުޅެންޖެހޭ ދުވަސްވަރަކަށްވުމުން، އިންޓަނެޓްގެ ބޭނުންތެރިކަން ބޮޑުވެފައިވާތީއާއި، ރިމޯޓް އެޑިއުކޭޝަން، ރިމޯޓް ވަރކިންގްއާއި، ޢާއިލާއާއެކު މުނިފޫހިފިލުވުމަށް އިންޓަރނެޓް ބޭނުންކުރުމަށް ލުއިފަސޭހަ ގޮތްތަކެއް ތަނަވަސްކޮށްދިނުމުގެ ގޮތުންނެވެ.
ދިރާގުން ފޯރުކޮށްދޭން ނިންމާފައިވާ، މި 10 ޖީބީގެ ބޫސްޓަރ މި މަހާއި، ކުރިއަށްއޮތް އޭޕްރީލްމަހުގައި ފިކްސްޑް ބްރޯޑްބޭންޑް ޔޫސޭޖް ޕޯޓަލް (https://portal.dhivehinet.net.mv/home) މެދުވެރިކޮށް އެކްޓިވޭޓް ކޮށްލެވޭނެއެވެ.
https://twitter.com/Dhiraagu/status/1243956813986316288?s=20
ކޯވިޑް-19 އާއި ގުޅިގެން، ދިރާގުންދަނީ ކަސްޓަމަރުންނަށް ލުއިފަސޭހަގޮތްތަށް ފަހިކޮށްދެމުންނެވެ. މި ގޮތުން، ހޯމް ފިކްސްޑް ބްރޯޑްބޭންޑް ކަސްޓަމަރުންނަށް، އިތުރު %30 ޕަސެންޓް ޑޭޓާ މާޗްމަހުގައި ދީފައިވެއެވެ. ހަމައެއާއެކު، އޭޕްރީލްމަހުގައި ވެސް ދޭންނިންމާފައިވާކަމަށް ދިރާގުން ބުނެއެވެ. މީގެ އިތުރުން، ރެސިޑެންޝަލް ފިކްސްޑް ބްރޯޑްބޭންޑްގެ ހުރިހައި އެޑް-އޮންތަކަކުން %50 ޕަސެންޓް ޑިސްކައުންޓެއް ދީފައިވެއެވެ. ހަމަ އެހެންމެ، އަންނަ އޭޕްރީލް މަހުގައި، ބިޒްނަސް ފިކްސްޑް ބްރޯޑްބޭންޑާއި، ގެސްޓްހައުސް އިންޓަރނެޓް ޕެކޭޖްތަކުގެ މަހު ފީއިން %25 ޑިސްކައުންޓްދޭން ނިންމާފައިވެއެވެ.
