ގއ.ދާންދޫގެ ހޮޓަލެއްގެތެރޭގައި ދެ މީހަކު ޒުވާބުކޮށް ތޫނުއެއްޗަކުން ހަމަލާދީ މާރާމާރީ ހިންގައިފިއެވެ.
މޯލްޑިވްސް ޕޮލިސް ސާވިސްއިން ބުނީ، ރޭ 21:50 ހާއިރު، އެ އިދާރާއަށް ރިޕޯޓުކޮށްފައިވުމުން، އެ ސަރަޙައްދަށް ގޮސް ބަލައިފައިވާކަމަށާއި، އަނިޔާ ލިބިފައިވާ މީހަކު އެ ރަށުގެހެލްތު ސެންޓަރަށް ގޮސްފައިވާކަމަށް މަޢުލޫމާތު ލިބިފައިވާކަމަށެވެ. އެއީ ބަންގްލަދޭޝްގެ އުމުރުން 31 އަހަރުގެ ޒުވާނެއްކަމަށް ވެސް ފުލުހުން ހާމަކޮށްފައިވެއެވެ.
މީގެ އިތުރުން ފުލުހުން ބުނީ، މި މައްސަލައިގައި ތުހުމަތުކުރެވޭ އަނެއްމީހާއަށް ވެސް އަނިޔާ ލިބިފައިވާތީ ފުލުހުންގެ އެހީތެރިކަމާއެކު ޑޮކްޓަރަށް ދައެްކާފައިވާކަމަށެވެ.
މި މާރާމާރީގައި ހިމެނޭ ދެމީހުންނަށް އެކިވަރުގެ އަނިޔާ ލިބިފައިވާކަމަށް ވެސް ފުލުހުން ހާމަކޮށްފައިވެއެވެ.
ފުލުހުން ބުނީ މިހާރު މި މައްސަލަ ތަޙުޤީޤުކުރަން ފަށާފައިވާކަމަށެވެ.
