ބޭންކުތެރޭގައި މީހުން ފުނިނުޖެހޭނެ ގޮތް، ބޭންކުތަކުން ހޯދައިދޭންޖެހޭކަމަށް ޑިފެންސް މިނިސްޓަރ މާރިއާ އަޙްމަދު ދީދީ ވިދާޅުވެއްޖެއެވެ.
މިއަދު ކުރެއްވި ޓްވީޓެއްގައި މާރިއާ ވިދާޅުވީ، ސަރުކާރާއި، މަދަރުސާތަކާއި މިހާރު ބަންދުކުރެވިފައިވާކަމަށާއި، މިސްކިތްތަކުގައި ޖަމާޢަތުގައި ނަމާދު ވެސް ނުކުރެވޭކަމަށެވެ.
މާރިއާ ވިދާޅުވީ، މި ހުރިހައި ތަނެއް ބަންދުކޮށްފައިވީ ނަމަވެސް، ސަރުކާރުން ފޯރުކޮށްދޭ ޚިދުމަތްތައް ފުނިނުޖެހި ލިބޭނެގޮތާއި، ސުކޫލުތަކުން ކިޔަވައިދޭނެ ގޮތާއި، އިސްލާމިކް މިނިސްޓްރީން ނަމާދުކުރެވޭނެ ގޮތުގެ މަގު ދައްކައިދިންކަމަށެވެ.
މަރިއާ މިހެން ވިދާޅުވެފައިވާއިރު، ކޮވިޑް-19 އާ ގުޅިގެން ބޭންކުތައް ބަންދުކޮށްފައި ހުރުމަށްފަހު އޭޕްެރީލް 2 ވަނަ ދުވަހު ހެނދުނު ބޭންކުތައް ހުޅުވުމާއެކު ގިނަ ބަޔަކުވަނީ، ބޭންކުތަކުގެ ދޮރުމަތީގައި ފުނިޖެހިފައެވެ.
