މާލޭ ސިޓީ މޭޔަރު ސިފާ މުހައްމަދުގެ އިތުބާރުގެ ނެތްކަމުގެ މައްސަލަ މާދަމާ ނެގުމަށް ތައްޔާރުވެއްޖެއެވެ.
މާލޭގެ ރައްޔިތުންނަށް ޚިދުމަތް ނުދެވޭތީ އާއި ލާމަރުކަޒީ ގާނޫނާ އެއްގޮތަށް ކައުންސިލް ނުހިންގަވާ ކަމުގެ ތުހުމަތާ އެކު ޝިފާގެ އިތުބާރު ނެތް ކަމުގެ ވޯޓެއް ނަގަން އެޖެންޑާކޮށްފައިވަނީ މާދަމާގެ 03:00 އަށެވެ. އެމްޑީޕީގެ ބޮޑު މެޖޯރިޓީއެއް އޮތް އެމްޑީޕީގެ މެމްބަރުންގެ ތެރެއިން 08 ބޭފުޅެއް ސިފާގެ އިތުބާރު ނެތްކަމަށް ތާއީދުކޮށްފައި ވެއެވެ.
ސިފާގެ އިތުބާރު ނެތްކަމަށް ކައުންސިލަށް ހުށަހަޅާފައިވަނީ ވެސް ފަހަކަށް އައިސް ސިފާ އާއި ޑެޕިއުޓީ މޭޔަރު ޝަމާއު ޝަރީފާއި ބޮޑެތި މައްސަލަތަކެއް ޖެހި، ހިޔާލުތަފާތުވުންތަކެއް އުފެދިފައިވާ މާފަންނު އުތުރު ދާއިރާގެ ކައުންސިލަރު މުހައްމަދު ފަޒީނެވެ.
ފަޒީން ވަނީ މީގެ ކުރިން ވެސް ސިފާ ސިޓީ ކައުންސިލްގެ ގަވައިދާއި ހިލާފަށް ކުރައްވާ މަސަައްކަތްތަކުގެ މައްސަލަ ހުށަހަޅާފައެވެ. އަދި އޭގެއިން ބައެއްކަން ކަން ސޯޝަލް މީޑިއާގައި ވެސް ފަޒީން ހިއްސާކޮށްފައި ވެއެވެ.
ސިފާގެ އިތުބާރު ނެތްކަމަށް ސިފާ ހުށަހަޅާފައިވަނީ 39 މައްސަލައަކާއި އެކުއެވެ. އެ މައްސަލައިގައި ބުނެފައިވަނީ ސިފާ ސިޓީ ކައުންސިލްގެ މަސައްކަތްތައް ކުރައްވަނީ ލާމަރުކަޒީ ގާނޫނާއި ހިލާފަށް އަމިއްލަ ގޮތްތައް އިސްކޮށްގެން ކަމަށެވެ.
މާލެ ސިޓީ މޭޔަރު، ކައުންސިލްއިން ނިންމަންޖެހޭ ނިންމުތަކުގައި ދުވަހަކުވެސް ގާނޫނާއި ގަވާއިދާއި އެއްގޮތަށް އަމަލުކޮށްފައި ނުވާކަމަށް ފަޒީން ވިދާޅުވެފައި ވެއެވެ. މޭޔަރު ސިފާގެ އަމަލުތައް ހުރިގޮތުން އޭގެ ގެއްލުންތައް ލިބެނީވެސް ދިވެހި ދައުލަތަށް ކަމަށް އެ ޓްވީޓުގައި ފަޒީން ވަނީ ވިދާޅުވެފައެވެ.
ސިފާގެ އިތުބާރު ނެތްކަމުގެ މައްސަލައިގައި ކުރައްވާފައިވާ ޓްވީޓެއްގައި ވިދާޅުވެފައިވަނީ ކައުންސިލްގެ އެއްވެސް މަސަައްކަތެއް އަމިއްލަ މަންފާއަށް ނުކުރާ ކަމަށެވެ. އަދި މިއީ ޒާތީ މައްސަލައަކާއި ހެދި ހުށަހަޅާފައިވާ ވޯޓެއްގެ ގޮތުގައި ސިފާ ވަނީ ތުހުމަތު ކުރައްވާފައެވެ.
