ފޮރިން މިނިސްޓްރީން ބޭރަށް ޒުވާނުން ސިފަކުރާގޮތް: “އެއީ ގޭންގު ބައެއް”

ރާއްޖެ ވިއްކާލުމާއި ސައިކަލްތަކުގެ ޖޫރިމަނާއާއި ދެކޮޅަށް އިދިކޮޅު ކޯލިޝަނުން މިދިޔަ ހުކުރު ދުވަހު މާލޭގައި ބޭއްވި ސައިކަލު ބުރުގައި ބައިވެރި ޒުވާނުންނަކީ “ގޭންގު ކުދިން” ކަމަށް ސިފަކޮށް، ފޮރިން މިނިސްޓްރީއިން ބޭރު ދުނިޔެއަށް މައުލޫމާތު ދީފިއެވެ.

އިންޑިއާގެ ދަ ވަޔަރ ނޫހުގައި ރިޕޯޓްކޮށްފައިވާގޮތުގައި ހުކުރުދުވަހުގެ ސައިކަލު ބުރަކީ “އިންޑިއާއަށް ރާއްޖެ ވިއްކާލުމާއި ދެކޮޅު” ސައިކަލު ބުރެއްކަމަށެވެ. އަދި އެސްބީއައި ހުންނަ އިމާރާތުގައި އަލިފާން ރޯވުމާއި، ސައިކަލު ބުރާއި، އެންމެހާ ކަންކަމާއި ގުޅިގެން އިންޑިއާ އެމްބަސީ ދޮށުގައި ސިފައިން ހަތިޔާރާއެކު ހަރަކާތްތެރިވާކަން ވަނީ ފާހަގަކޮށްފައެވެ.

މިޚަބަރަށް ފޮރިން މިނިސްތްރީގެ އޮފިޝަލެއް ދެއްވި މައުލޫމާތުގައިވަނީ ސައިކަލުބުރުގައި ބައިވެރިވީ ގިނަ މީހުންނަކީ ކުރީ ސަރުކާރުގެ އެހީތެރިކަން ލިބިފައިވާ ގޭންގުތަކަށް ނިސްބަތްވާ ބައެއްކަމަށެވެ.

Indian sources confirmed that Maldives had handed over the security of the diplomatic premises from the police to Maldives National Defence Forces.

This is the first time that armed security personnel will be guarding the Indian diplomatic mission.https://t.co/aHYQCAGxOq

— The Wire (@thewire_in) August 30, 2020

ފޮރިން މިނިސްޓްރީއިން ބޭރަށް މައުލޫމާތުދިން ދިނުމުގައި ސައިކަލު ބުރުގައި ބައިވެރިވި ގިނަ މީހުންނަކީ ގޭންގްތަކަށް ނިސްބަތްވާ ބައެއްކަމަށް ބުނުމުން، ގިނަ ބައެއްގެ ފާޑު ކިޔުން ފޮރިން މިނިސްޓަރ އަބްދުﷲ ޝާހިދަށްވަނީ އަމާޒުވެފައެވެ. އަދި ރާއްޖޭގެ ޒުވާނުން ސިޔާސީ ހަރަކާތެއްގައި ބައިވެރިވާ ކޮންމެ ފަހަރަކު ޒުވާނުން ބާރުވެރިކުރުވުމުގެ ބަދަލުގައި “ގޭންގު” ލޭބަލް އެޅުވުމަކީ ދަށް ފެންވަރުގެ ކަމެއްކަމަށް އެކި ފަރާތްތަކުން ދަނީ ސޯޝަލް މީޑިއާގައި ޝުއޫރު ފާޅުކުރަމުންނެވެ.