ހުޅުމާލޭގައި ގާއިމުކޮށްފައިވާ ޕޮލިސް ސްޓޭޝަން މިއަދު ރަސްމީކޮށް ހުޅުވައިދެއްވައިފި އެވެ
ހުޅުމާލޭގައި ހުންނަ ޕޮލިސް ސްޓޭޝަންގައި މިއަދު ބޭއްވި ރަސްމިއްޔާތެއްގައި އެ ޕޮލިސް ސްޓޭޝަން ރަސްމީކޮށް ހުޅުވައްިދެއްވާފައިވަނީ ހޯމް މިނިސްޓަރު އިމްރާން އަބްދުﷲ އާއި ކޮމިޝަނާ އޮފް ޕޮލިސް މުހައްމަދު ހަމީދެވެ.
އެ ޕޮލިސް ސްޓޭޝަންްގެ ބޮޑުމިނުގައި 23،225 އަކަފޫޓު ހުންނައިރު އެތަން ހެދުމަށް 27.5 މިލިއަން ރުފިޔާ ވަނީ ހޭދަކޮށްފަ އެވެ.
ގިނަ އަދަދެއްގެ މީހުން ދިރިއުޅެމުން އަންނަ ހުޅުމާލޭގައި ފުލުހުންގެ ހިދުމަތް މީގެކުރީން ދެމުން ގެންދިޔައީ ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)ގައި ގާއިމުކޮށްފައިވާ ވަގުތީ ތަނެއްގަ އެވެ.
އެ ސްޓޭޝަން ރަސްމީކޮށް ހުޅުވުމުގެ ރަސްމިއްޔާތުގައި ވާހަކަދައްކަވަމުން ކޮމިޝަނާ އޮފް ޕޮލިސް މުހައްމަދު ހަމީދު ވިދާޅުވީ ހުޅުމާލެއަކީ ގިނަ ބަޔަކު ދިރިއުޅެމުންދާ ތަނެއް ކަމަށާއި ކުރިއަށް އޮތް ތަނުގައި އެތަން އިތުރަށް ތަރައްގީވެ ހިދުމަތްތައް ފުޅާވެގެންދާނެ ކަމަށެވެ.
އެއާއެކު އެތަނުގައި ދިރިއުޅޭ ފުލުހުންގެ ދައުރު އިތުރުވެގެންދާނެ ކަމަށްވެސް ހަމީދު ވިދާޅުވި އެވެ.
advertisment