އިދިކޮޅު ކޯލިޝަނުން އިއްޔެ ބޭއްވި އެއްވުމުގެ ތެރެއިން ހައްޔަރުކުރި އެންމެން ޖޫރިމަނާކޮށް، އެކަކު ފިޔަވައި އެންމެ ދޫކޮށްލާފައިވާކަމަށް ފުލުހުން ބުނެފިއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)ގެ ގައިޑްލައިންތަކާއި ޚިލާފަށް މާލޭގައި އިއްޔެ ސައިކަލު ބުރެއް ބޭއްވުމަށް މަސައްކަތްކުރި މީހުންގެ ތެރެއިން 41 މީހަކު ވަނީ ފުލުުހުން ވަނީ ހައްޔަރު ކޮށްފިއެވެ.
ފުލުހުން މިއަދު ބުނީ އެއްވުމުން ހައްޔަކު ކުރި އެކަކު ފިޔަވައި އެހެން އެންމެ ދޫކޮށްލާފައިވާ ކަމަށާއި އެޗްޕީއޭގެ ގައިޑްލައިނާ ހިލާފުވުމުން އެ މީހުން ޖޫރިމަނާ ކޮށްފައިވާ ކަމަށެވެ. ނަމަވެސް އެއިން އެއްވެސް މީހެއްގެ ލައިސަންސް ހިފަހައްޓާފައި ނުވާކަމަށް ފުލުހުން ބުނެއެވެ.
އެޗްޕީއޭގެ އުސޫލުތަކާ ހިލާފަށް މަގުމަތީގައި އުޅޭ މީހުން ޖޫރިނަމާ ކުރަނީ 1000 ރުފިޔާއިންނެވެ.
އާންމު ޞިއްޙަތުގެ ކުއްލި ނުރައްކަލުގެ މި ޙާލަތުގައި، ރައްޔިތުންގެ ރައްކާތެރިކަން އިސްކޮށް، އެޗްޕީއޭގެ އެންގުންތަކާއި އެއްގޮތަށް އަމަލުތައް ބެހެއްޓެވުމަށް ފުލުހުން ވަނީ އިލްތިމާސް ކޮށްފައެވެ.
advertisment