އިއްޔެ ފުލުހުން އައްޑޫ ސިޓީގައި ހިންގި ޚާއްސަ އޮޕަރޭޝަނުގައި 80 ކިލޯގެ މަސްތުވާތަކެތި އަތުލާފައިވާ ކަމަށް ޕޮލިސް ކޮމިޝަނަރ މުހައްމަދު ހަމީދު ވިދާޅުވެއްޖެއެވެ.
ހަމީދު މިއަދު ކުރެއްވި ޓުވީޓެއްގައި ވިދާޅުވެފައިވަނީ އަތުލައިގަނެވުނު މަސްތުވާތަކެތީގައި ގާތްގަނޑަކަށް 80 ކިލޯ ހަމަވާ ކަމަށާއި މި އޮޕަރޭޝަނަކީ އައްޑޫގެ އިންޓެލް އަދި ފުލުހުންގެ މަސައްކަތުން ކުރިއަށް ގެންދެވުނު ކާމިޔާބު އޮޕަރޭޝަނެއް ކަމަށެވެ.
ސީޕީ އިތުރަށް ވިދާޅުވީ އިއްޔެ އަތުލައިގަނެވުނު މަސްތުވާތަކެތި ރާއްޖެއަށް ސަޕްލައި ކުރި ފަރާތެއް ހޯދުމަށް ބޭރުގެ އިދާރާތަކާއި ގުޅިގެން މަސައްކަތް ކުރެވެމުންދާ ކަމަށެވެ.
Approximately 80 kgs of narcotic drugs seized in Addu. The operation was carried out solely on locally developed intelligence and policing work. We will be engaging with our international partners as the investigation progresses. We are intent on disrupting the supply of drugs.
— Mohamed Hameed (@M_Hameedh) October 4, 2020
ފުލުހުން އިއްޔެ ހިތަދޫ ސަރަހައްދު ކަނޑުމަތިން ހިންގި އޮޕަރޭޝަނުގައި ގިނަ ހައްޔަރުކުރީ ކޮންބައެއްކަމެއް ފުލުހުން ހާމަކޮށްފައި ނުވާއިރު. އެ އޮޕަރޭޝަނުގައި ކުރީގެ ޤައުމީ ފުޓުބޯޅަ ޓީމުގައި ހިމެނޭ ކުޅުންތެރިއަކު ހައްޔަރުކޮށްފައިވާކަމަށް ބައެއް މީޑިއާތަކުންވަނީ ރިޕޯޓުކޮށްފައެވެ. އެހެންނަމަވެސް މިކަން ފުލުހުން ކަށަވަރުކޮށްދީފައެއް ނުވެއެވެ.
advertisment