ދިމާވި މައްސަލަ ހައްލުކޮށް މާލޭގެ ބޮޑު ބަޔަކަށް ކަރަންޓު ދީފައި ވަނިކޮށް ޑިސްޓިރިބިއުޝަން ނެޓްވޯކަށް މައްސަލައެއްދިމާވެ، އަނެއްކާވެސް މާލެއިން ކަރަންޓު ކެނޑިއްޖެއެވެ.
ސްޓެލްކޯއިން ބުނީ ދިމާާވި ޓެކްނިކަލް މައްސަލަ ހައްލުކޮށް މާލޭގެ 80 ޕަސެންޓަށް ކަރަންޓު ދެވިފައިވަނިކޮށް ޑިސްޓިރިބިއުޝަން ނެޓްވޯކަށް މައްސަލައެއްދިމާވެ، އަނެއްކާވެސް ކަރަންޓު ކެނޑިފައިވާ ކަމަށެވެ.
މި މައްސަލަވެސް ހައްލުކޮށް މިހާރު މިގެންދަނީ އަލުން ކަރަންޓު ދެމުން. މުޅި މާލެއަށް ކަރަންޓު ދެވޭނެ ކަމަށް ލަފާ ކުރެވެނީ ގަޑިއެއްހާާއިރު ތެރޭ ކަމަށް ސްޓެލްކޯއިން ބުނެއެވެ.
“ދިމާވާނެ ދަތިތަކަށް އަދިވެސް އެއްފަހަރު މާފަށް އެދެން.” ސްޓެލްކޯއިން ބުނެއެވެ.
މުޅި މާލެއިން މިއަދު ކަރަންޓު ކަނޑައިގެން ގޮސްފައިވަނީ ހެނދުނު 08:30 ހާއިރު އެވެ. އެއަށްފަހު ބައެއް ސަރަހައްދުތަކަށް ކަރަންޓު އައުމަށްފަހު ވަނީ އަލުން ގޮސްފަ އެވެ.