ހޯރަފުށީ އެއާޕޯޓަށް ހޯމަ ދުވަހު ޓެސްޓް ފްލައިޓް ޖައްސަނީ

ހއ. ހޯރަފުށީ ގައި ތަރައްގީކުރި އެއާޕޯޓަށް މި މަހުގެ 16 ވަނަ ދުވަހު ޓެސްޓް ފްލައިޓު ޖެއްސުމަށް ހަމަޖެހިއްޖެއެވެ.

ހޯރަފުށީ އެއާޕޯޓުގެ ޓެސްޓު ފްލައިޓްތައް 16 ވާ ހޯމަ ދުވަހު ކުރުމަށް ހަމަޖެހިފައިވާއިރު، 17 ވާ އަންގާރަ ދުވަހުން ފެށިގެން ޝެޑިއުލް ދަތުރުތައް ކުރުމަށް ވަނީ ހަމަޖެހިފައެވެ.

މި މަޝްރޫޢުގެ ދަށުން، 37،425 އަކަ މީޓަރުގެ ރަންވޭއެއް އެޅުމާއި، 8،635 މީޓަރުގެ އޭޕްރަންއަކާއި ޓެކްސީވޭއެއް އެޅުމާއި، ޓަރމިނަލްގެ ކުރިމަތީ ސަރވިސް ރޯޑު ޤާއިމުކުރުމާއި، ޕަސެންޖަރ ޓަރމިނަލްއަކާއި ފަޔަރ ބިލްޑިންގ އިމާރާތް ކުރުމުގެ މަސައްކަތް ހިމެނެއެވެ.

ޖުމްލަ 198 މިލިއަން ރުފިޔާ ޚަރަދުކޮށްގެން ހިންގާ މި މަޝްރޫއު އެމްޓީސީސީއާ ހަވާލުކުކުރުމުގެ އެއްބަސްވުމުގައި ސޮއިކޮށްފައި ވަނީ 2019 ވަނަ އަހަރުގެ މާޗް މަހުގެ 25 ގައެވެ.