ހއ. ހޯރަފުށީ އެއާޕޯޓަށް ޓެސްޓު ފްލައިޓު ޖައްސައިފިއެވެ.
މިއަދު ހެނދުނު 9:15 ހާއިރު އެ އެއާޕޯޓަށް ޖެއްސި ޓެސްޓު ފްލައިޓުގައި ހޯރަފުށީ ދާއިރާގެ މެމްބަރު އަހުމަދު ސަލީމް އާއި އެމްޓީސީސީގެ މެނޭޖިން ޑިރެކްޓަރ އާދަމް އާޒިމް އާއި ބައެއް ސަރުކާރުގެ އިސްވެރިން ވަނީ ވަޑައިގެންފައެވެ.
އެމްޓީސީސީން ތަރައްޤީކޮށްފައިވާ މިއެއާޕޯޓަށް މިއަދު ޓެސްޓް ފްލައިޓް ޖެއްސި އިރު، އެއާޕޯޓް ރަސްމީކޮށް ހުޅުވުމަށް ހަމަޖެހިފައި ވަނީ މާދަމާއެވެ.
198 މިލިއަން ރުފިޔާ ޚަރަދުކޮށްގެން ތަރައްގީ ކުރި މި އެއާޕޯޓުގައި 1200 މީޓަރު ދިގު، 35 މީޓަރު ފުޅާ ރަންވޭއެއް އޮވެއެވެ. 8635 ސްކުއާ މީޓަރުގެ އޭޕްރަން އަކާއި ޓެކްސީ ވޭއެއްގެ އިތުރުން ސާވިސް މަގުތަކާއި، 9473 ސްކުއަރ މީޓަރުގެ ޕާކިން އޭރިއާއަކާއި 1718 ސްކުއާ މީޓަރުގެ ފަޔާ އެކްސެސް މަގެއްވެސް މި މަޝްރޫޢުގެ ދަށުން ވަނީ ތަރައްޤީކޮށްފައެވެ.