ގދ.ތިނަދޫގައި 13 އަހަރުގެ ކުއްޖަކަށް އަނިޔާ ކުރި މައްސަލައެއް ބަލަން ފަށައިފިއެވެ.
ފުލުހުން ބުނީ 13 އަހަރުގެ ކުއްޖަކަށް އަނިޔާ ކުރި މައްސަލައެއް ރޭ ތިނަދޫ ޕޮލިސް ސްޓޭޝަނަށް ހުށަހަޅާފައިވާ ކަމަށާއި އެ ކޭސް އިތުރަށް ތަހުގީގު ކުރަމުންދާ ކަމަށެވެ.
ކުއްޖާގެ ސަލާމަތް ޖެންޑާ މިނިސްޓްރީން ކަށަވަރުކޮށްފައިވާ ކަމަށްވެސް ފުލުހުން ބުނެއެވެ.
އެ މައްސަލައާއި ގުޅިގެން ރޭ ޓްވިޓާގައި އާންމު ފަރާތަކުން ބުނީ އެ ކުއްޖާ އަށް އަނިޔާ ކުރާތީ ކުއްޖާ އެހީއަށް އެދޭ އަޑު އިވުނު ކަމަށެވެ.
އަދި މިއީ އާންމުކޮށް ވެސް ހިނގާ ކަމެއްކަމަށެވެ.
