އިންޓެލިޖެންސް ފުލުހުން ކަމަށް ބުނެ ފަރިވާ ސްޓޭ ގެސްޓްހައުސްއަށް ވަދެ ފޭރުނު މައްސަލާގައި އިތުރު ދެ މީހަކު ހައްޔަރު ކޮށްފިއެވެ.
ފުލުހުން ބިނީ މިމައްސަލައިގެ ތުހުމަތުގައި އިތުރު ދެމީހަކު މިހާރު ހައްޔަރުކޮށްފައިވާ ކަމަށެވެ. މީގެ އިތުރުން މިހާދިސާ ހިނގި ދުވަހުގެ ފަހު ދުވަހު މިމައްސަލައާ ގުޅިގެން އެކަކު ވަނީ ހައްޔަރު ކޮށްފައެވެ.
މިކަން ހިނާފައިވަނީ މިމަހުގެ 11 ވަނަ ދުވަހުގެ ހެނދުނުގެ ވަގުތެއްގައި މާލޭ މަޖީދީމަގު، ފަރިވާ ސްޓޭ އިންނެވެ.
އެގޮތުން އެތަނުގެ ތެރެއަށް ތިން މީހަކު ވަދެ ޕޮލިސް އިންޓެލިޖެންސުން ކަމަށް ބުނެ އެ ތަނުގެ ތިން މުވައްޒަފުން ކްލިޕް އަޅުވައި ބަނުމަށްފަހު އެތަނުން ބައެއް ތަކެތި ފޭރިގެން ގޮސްފައިވާ ކަމަށްވެސް ފުލުހުން ބުނެއެވެ.
މި މައްސަލަ ފުލުހުން އަންނަނީ ތަހުގީގު ކުރަމުންނެވެ.
advertisment