ރައީސް ހޯރަފުއްޓަށް މިއަދު ވަޑައިގަންނަވަނީ

ހއ.ހޯރަފުށީ އެއާޕޯޓް ހުޅުވުމަށް ރައީސް އިބްރާހީމް މުޙައްމަދު ޞާލިޙް މިއަދު މެންދުރު އެރަށަށް ވަޑައިގަންނަވާ ގޮތަށް ހަމަޖެހިއްޖެއެވެ.

ހޯރަފުށީ އެއާޕޯޓު ހުޅުވުމަށް ރައީސް އެ ރަށަށް ވަޑައިގަތުމަށް ހަމަޖެހިފައިވަނީ މިއަދު މެންދުރު 13:00 ގައެވެ.

މި އެއާޕޯޓު ހުޅުވުމަށް އެންމެ ފުރަތަމަ ހަމަޖެހިފައި އޮތީ މިދިޔަ އަންގާރަ ދުވަހު އެވެ. ނަމަވެސް މޫސުން ގޯސްވުމުގެ ސަބަބުން އެއާޕޯޓު ހުޅުވުން ވަނީ މިއަދަށް ފަސްކޮށްފައެވެ.

ހޯރަފުށީ ފަޅުން ބައެއް ހިއްކައިގެން ހެދި މި އެއާޕޯޓުގެ މަސައްކަތް އެމްޓީސީސީން ފަށާފައިވަނީ 2019 ވަނަ އަހަރު މާޗު 25 ވަނަ ދުވަހުއެވެ.

ހޯރަފުށީ އެއާޕޯޓަކީ 1200 މީޓަރު ދިގު، 35 މީޓަރު ފުޅާ ރަންވޭއަކާއި އެކު ހަދާފައިވާ އެއާޕޯޓެކެވެ.