ހެލްތު މިނިސްޓްރީގެ ސިޔާސީ މަގާމުތަކަށް އާ ވެރިން އައްޔަނުކޮށްފިއެވެ.
ސިޔާސީ މަގާމުތަކަކަށް އަލަށް އައްޔަނުކުރި ދެ ބޭފުޅުންނަކީ ސްޓޭޓު މިނިސްޓަރުކަމަށް އަހްމަދު އާދިލް، އަދި ޑެޕިއުޓީ މިނިސްޓަރުކަމަށް މަރިޔަމް ޚާލިދާއެވެ.
އެ ދެ ބޭފުޅުން ހެލްތު މިނިސްޓްރީއަށް އައްޔަނުކޮށްފައިވަނީ މިދިޔަ އާދިއްތަ ދުވަހުން ފެށިގެން ނެވެ.
ހާލިދާވަނީ މޯލްޑިވްސް މަނިޓަރީ އޮތޯރިޓީގެ އިސް މަގާމުތައް އަދާކުރައްވާފައެއވެ. އަދި ކުޑަ އުޖޫރަ ކަނޑައެޅުމަށްޓަކައި އެކުލަވާލި އެޑްވައިޒަރީ ބޯޑުގެ ޗެއާކަން ކުރައްވާފައެވެ.
މީގެ އިތުރުން ސްޓޭޓު މިނިސްޓަރުކަމަށް އައްޔަނުކުރެއްވި އަހްމަދު އާދިލް މީގެ ކުރިން ހުންނެވީ ޓްރާންސްޕޯޓު މިނިސްޓްރީގައި ސްޓޭޓު މިނިސްޓަރެއްގެ ގޮތުގައެވެ.