ކޮވިޑް-19 ގެ ބަލިމަޑުކަމުގެ ހާލަތު ކުރިމަތިވުމުގެ ސަބަބުން މެދުކަނޑާލި މާލެއާއި ވެލާނާ އިންޓަނޭޝަނަލް އެއާޕޯޓް އޮންނަ ހުޅުލެއާ ދެމެދު ކުރާ ބަސް ދަތުރުތަކުގެ ޚިދުމަތް އަލުން ފަށައިފިއެވެ.
ގްރޭޓާ މާލެ ޓްރާންސްޕޯޓު ލިންކުން ބުނީ އެ ކުންފުނިން މާލެ އާއި ހުޅުލެ އާއި ދެމެދު ދެމުންދިޔަ ބަހުގެ ހިދުމަތް ކޮވިޑް19 އާއި ގުޅިގެން މެދުކަނޑާލާފައި އޮތުމަށްފަހު އަލުން ފަށާފައިވާ ކަމަށެވެ.
އެގޮތުން މިހާރު ހުޅުލެ-މާލެ ބަސް ދަތުރު އޮންނާނީ ކާނިވަލް ބަސް ރޫޓުން ކަމަށްވެސް އެ ކުންފުނިން ބުންޏެވެ.
ކާނިވާ ބަސް ސްޓޮޕުން ބަސް ނައްޓާލާއިރު، އާޓިފިޝަލް ބީޗް ވޮލީ ކޯޓު ކައިރިއަށްވެސް ބަސް މަޑުކުރާނެއެވެ. އެއާޕޯޓުން ބަސް މަޑުކުރާނީ އޭޓީއެމް ކައިރިއަށް އަދި އެމްއޭސީއެލް އޮފީސް ކައިރީ ހުންނަ ބަސް ސްޓޮޕަށެވެ.
