ޖަޕާން ސަރުކާރުން ރާއްޖެ އަށް 5.6 މިލިއަން ޑޮލަރުގެ ސިއްހީ ސާމާނު މިއަދު ހަދިޔާކޮށްފި އެވެ.
މިއަދު ބޭއްވި ރަސްމިއްޔާތެއްގައި މި ތަކެތި ރާއްޖެ އަށް ހަދިޔާކޮށްދެއްވީ ޖަޕާނުން ރާއްޖެ އަށް ކަނޑައަޅުއްވާފައި ހުންނަވާ ސަފީރު ޔަނާއި ކެއިކޯ އެވެ.
ދިވެހި ސަރުކާރުގެ ފަރާތުން މި ތަކެއްޗާއި ހަވާލުވެލެއްވީ ހެލްތު މިނިސްޓަރު އަހުމަދު ނަސީމެވެ.
ޖަޕާނުން ހަދިޔާކުރި ސިއްހީ ސާމާނުތަކުގެ ތެރޭގައި 65 ބެޑްސައިޑް މޮނީޓަރ، 19 ޕޯޓަބަލް އަލްޓްރާ ސައުންޑް މެޝިން، 10 ޕޯޓަބަލް އެކްސްރޭ މެޝިން، 132 ސިރިންޖް ޕަމްޕް، 132 ސިރިންޖް ޕަމްޕް އެކްސެސަރީސްގެ އިތުރުން 19 ޑިފިބްރިލޭޓަރސް ހިމެނެއެވެ.