މަސްތުވާތަކެތިތޯ ބެލުމަށް ޓެސްކުރަން ބޭނުންވާ 38 މިލިއަން ރުފިޔާގެ ތަކެތި ޖަޕާނު ސަރުކާރުން ދިވެހިރާއްޖޭގެ ސިފައިންނަށް ހަދިޔާކޮށްފިއެވެ.
މި ތަކެތި ހަވާލުކޮށްފައިވަނީ އދގެ މަސްތުވާތަކެއްޗާ ބެހޭ އޮފީހާއިއެކު އެ ގައުމުން މިއަހަރުގެ މަރޗް މަހު ސޮއި ކުރި އެއްބަސްވުމެއްގެ ދަށުންނެވެ. މި ތަކެތި ބޭނުންކުރުމަށް ހަމަޖެހިފައިވަނީ ކަނޑު މަގުން ރާއްޖެ އެތެރެ ކުރާ މަސްތުވާތަކެތި ބަލާ، ޓެސްޓު ކުރުމަށެވެ.
މި ތަކެތި ބޭނުން ކުރެވޭނެ ދެ ހާލަތެއް ޖަޕާނު އެމްބަސީއިން ވަނީ ބުނެފައެވެ.
އެގޮތުން:
- މަސްތުވާތަކެތި ދަނެގަތުމަށް
- ތަހުގީގު މަރުހަލާގައި އާއި ދައުވާ ކުރާ މަރުހަލާގައި
މި ތަކެއްޗާއި ހަވާލުވެފައިވަނީ ބަންޑާރަ ކޮށީގައި ބޭއްވި ހަފުލާއެއްގައި، ޑިފެންސް މިނިސްޓަރު މާރިޔާ އަހުމަދު ދީދީއެވެ.
advertisment