އަންނަ މާޗު މަހު މާލޭ ސިޓީ ކައުންސިލުން މާލޭ ރައްޔިތުންނާއި ބައްދަލުކުރުމަށް ހަމަޖެހިފައިވާކަން އެ ކައުންސިލުން ހާމަކޮށްފިއެވެ.
މާލެ ސިޓީ ކައުންސިލުން ބުނީ، އަންނަ މަހުގެ 8 ވަނަ ދުވަހު މާލޭގެ ރައްޔިތުންނާއި ބައްދަލުކުރުމަށް ނިންމާފައިވާކަމަށާއި، އެ ބައްދަލުވުން އޮންނަނީ އޮންލައިންކޮށް ޒޫމް މެދުވެރިކޮށްކަމަށެވެ. މާލޭގެ ރައްޔިތުންނާއި ބައްދަލުކުރުމަށް ސިޓީ ކައުންސިލުން ނިންމާފައިވާއިރު، ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ޤާނޫނުގައި ބަޔާންކޮށްފައިވާ ގޮތުން، މާލޭ ސިޓީ ކައުންސިލުން އެ ކައުންސިލްތަކުން ކުރާ މަސައްކަތްތައް ރައްޔިތުންނާ ޙިއްސާ ކުރުމަށް ކޮންމެ އަހަރަކު ދެފަހަރު، ބައްދަލުކުރުން ލާޒިމްކުރެއެވެ.
އަންނަ މަހު ބާއްވާ ބައްދަލުކުރެއްވުމަކީ ކޮވިޑް-19ގެ ޙާލަތާ ގުޅިގެން އެއްވުންތައް ބޭއްވުން މަނާކޮށްފައިވާތީ މިމަހު އެ ބައްދަލުވުން ބޭއްވިފައި ނުވާތީ ބާއްވާ ބައްދަލުވުމެއްކަމަށް ސިޓީ ކައުންސިލުން ބުނެއެވެ.
