ހެލްތު ޕްރޮޓެކްޝަން އެޖެންސީ (އެޗްޕީއޭ) ގެ އުސޫލާ ހިލާފަށް ވ. އަންބަރާ އަށް ދިޔަ 95 މީހަކު ފުލުހުން ޖޫރިމަނާކޮށްފިއެވެ.
ފުލުހުން މިއަދު ކުރި ޓުވީޓެއްގައި ބުނީ އެޗްޕީއޭގެ ގައިޑްލައިނާ ހިލާފަށް މާލެ އިން ފުރައިގެން އަންބަރާ ނަމަކަށް ކިޔާ ރަށަކަށް ހުއްދަ ނެތި ދިޔަ 95 މީހަކު ޖޫރިމަނާކޮށްފައިވާ ކަމަށެވެ.
އެމީހުން ދިޔަ އުޅަނދަށް މީހުން އެރުވީ، އެ އުޅަނދަށް ކަނޑައެޅިފައި އޮތް އަދަދަށް ވުރެ އިތުރަށް ކަމަށް ވެސް ފުލުހުން ބުނެއެވެ.
އަދި މި މައްސަލަ ތަހުގީގު ކުރުމަށް ފަހު، އަޅަން ޖެޙޭ ފިޔަވަޅުތައް އަޅާނެ ކަމަށް ވެސް ފުލުހުން ބުނެއެވެ.
