ފަޅު ރަށެއްކަމަށްވާ ތ. ފިނޮޅުން މަސްތުވާތަކެތި ކަމަށް ޝައްކު ކުރެވޭ އެއްޗެއް ހުރި ދެ ކޮތަޅު އާންމުންގެ ބަޔަކު ހޯދައިފި އެވެ.
ފުލުހުންގެ މީޑިއާ އޮފިޝަލަކު ވިދާޅުވީ، ތ. ފިނޮޅު ކިޔާ ފަޅު ރަށަކަށް ގޮސް އުޅުނު ބަޔަކަށް އެރަށު ގޮނޑުދޮށުން މަސްތުވާތަކެތި ކަމަށް ޝައްކު ކުރެވޭ އެއްޗެއްހުރި 2 ކޮތަޅު ފެނިފައިވާ ކަމުގެ މައުލޫމާތު މިރޭ 19:00 ހާއިރު ފުލުހުންނަށް ލިބިފައިވާ ކަމަށެވެ.
މިމައުލޫމާތާ ގުޅިގެން ފުލުހުން އެރަށަށް ގޮސް، އެތަކެތި ފުލުހުންގެ ބެލުމުގެ ދަށަށް ގެންގޮސް މިކަމާ ގުޅިގެން ބަލަން ޖެހޭ ކަންކަން ބަލަމުންދާ ކަމަށް ވެސް ފުލުހުން ވިދާޅުވިއެވެ.
ފެނިފައި ވަނީ ކިހާ އަދެއްގެ އެޗިއްސެއް ކަމާއި އިތުރު އެއްވެސް ތަފްސީލެއް އަދި ނުލިބެ އެވެ.