ކޮވިޑް-19އާ ގުޅިގެން އުރީދޫ މޯލްޑިވްސް އިން ކޮންމެ އަހަރަކު ބާއްވާ މިއުޒިކް ޝޯ، ޑިޖިޓަލްކޮން މި އަހަރުވެސް ބާއްވަން ހަމަޖައްސައިފިއެވެ.
އުރީދޫން ބުނީ ކޮވިޑް-19 އިން ރައްކާތެރިވެ ތިބުމަށް ގޭގައި ތިބެގެން އުފާވެރި، ކުލަގަދަ އީދެއް ފާހަގަ ކުރުމުގެ ފުރުސަތު ފަހި ކޮށްދިނުމުގެ ގޮތުން އުރީދޫ މޯލްޑިވްސްއިން މިއަހަރުވެސް ޑިޖިޓަލް މިއުޒިކް ޝޯ، އުރީދޫ އީދު ޝޯ 2021 ބާއްވަން ހަމަޖެހިފައިވާ ކަމަށެވެ.
އެގޮތުން އުރީދޫ ޢީދު ޝޯ ގައި ރާއްޖޭގެ މަޝްހޫރު އަދި ކުޅަދާނަ ފަންނުވެރިން ތަކެށް ފެނިގެން ދާނެ ކަމަށެވެ.
އުރީދޫ ޢީދު ޝޯ ބޭއްވުމަށް ހަމަ ޖެހިފައި ވަނީ 24 މޭ، ރޭގަނޑު 9:00ގައި އުރީދޫ މޯލްޑިވްސްގެ ޔޫޓިއުބް ޗެނަލްގައެވެ. އުރީދޫ މޯލްޑިވްސް އިން، ގޭގައި ތިބެގެން މި ކުލަގަދަ ޢީދު ޝޯގައި ބައިވެރިވުމަށް އެންމެހާ ފަރާތްތަކަށް ދައުވަތު ދެއެވެ.
ޝޯ ބާއްވަން ހަމަޖެހިފަވާ ގަޑީގައި އުރީދޫ މޯލްޑިވްސް ގެ ސޯޝަލް މީޑިއާ މެދުވެރިކޮށް އިންނަ ލިންކްއިން ބެލޭނެއެވެ.