އުރީދޫއިން ހަ މަސް ދުވަހުގެ ހާއްސަ ޕްލޭނެއް ތައާރަފްކޮށްފިއެވެ.
އުރީދޫއިން ހިއްސާކޮށްފައިވާގޮތުން، އެ ކުންފުނިން ތައާރަފްކޮށްފައިވަނީ “އާޗާ” ގެ ހަ މަސް ދުވަހުގެ މުއްދަތަކަށާް ފަރުމާކޮށްފައިވާ ހާއްސަ ޕްލޭނެކެވެ. މި ޕްލޭން ބައްލަވައިގަންނަވާ ފަރާތްތަކަށް ހަ މަސް ދުވަހަށް ކޮންމެ ދުވަހަކު 4 ޖީބީ ސްޓްރީމިންގއަށާއި ގޭމިންގް އަށް ބޭނުންކުރެވޭނެކަމަށް ހިއްސާކޮށްފައިވެއެވެ.
އުރީދޫއިން އަލަށް ތައާރަފްކޮށްފައިވާ މި ޕްލޭންގެ އަގަކީ 2024 ރުފިޔާކަމަށްވެސް ބުނެފައިވާއިރު، ޖުމުލަކޮށް ލިބޭނީ 720 ޖީބީކަންވެސް އެ ކުންފުނިން ފާހަގަކޮށްފައިވެއެވެ.
މީގެ ކުރިން އުރީދޫއިންވަނީ 24 ގަޑިއިރަށް ހާއްސަ ޕެކެޖެއްވެސް ތައާރަފްކޮށްފައެވެ. އެ ޕްލޭން ބައްލަވައިގަންނަވާ ފަރާތްތަކަށް 25 ރުފިޔާއަށް އަންލިމިޓެޑް ސޯޝަލްމީޑިއާ އާއި އަންލިމިޓެޑް ކޯލްސް ލިބޭނެކަަމަށް އުރީދޫއިން ހިއްސާކޮށްފައިވެއެވެ.