ހދ. ކުޅުދުއްފުށިީގައި ޒުވާނަކު ރަހީނުކޮށް އަނިޔާކުރި މައްސަލެއެއް ފެންމަތިވެއްޖެއެވެ.
ފުލުހުންގެ މީޑިއާ އޮފިޝަލަކު މިއަދު ވިދާޅުވީ އެ މައްސަލަ ރިޕޯޓް ކޮށްފައި ވަނީ ރޭ 8:48 ހާއިރު ކަމަށާއި އަނިޔާތައް ލިބުނު އުމުރުން 29 އަހަރުގެ ފިރިހެން މީހާގެ ހާލު ދެރަ ކަމަށެވެ.
އެމީހާއަށް މިހާރު ގެންދަނީ ކުޅުދުއްފުށި ރީޖަނަލް ހޮސްޕިޓަލްގައި ފަރުވާ ދެމުންނެވެ. އަދި އިތުރު ފަރުވާއަށް މާލެ ގެނައުމުގެ މަސައްކަތް ކުރަމުންދާ ކަމަށް ވެސް ފުލުހުން ބުންޏެވެ.
މައުލޫމާތު ލިބިފައިވާ ގޮތުގައި މި ޒުވާނާގެ ބޮޅުގެ ނާށިގަނޑު ފަޅައިގެން ގޮސް ސިކުނޑިއަށް ލޭ އަރާފައިވާއިރު އޭނާގެ ހާލު ސީރިއަސްއެވެ.
