ކޮވިޑް-19 ޖެހިގެން ރާއްޖެ އިން އިތުރު ހަތަރު މީހަކު ނިޔާވެއްޖެއެވެ.
ހެލްތް ޕްރޮޓެކްޝަން އޭޖެންސީ އެޗްޕީއޭއިން ބުނެފައި ވަނީ މީގެ ތެރެއިން 3 މީހުން މަރުވެފައި ވަނީ ހުޅުމާލެ ކޮވިޑް ފެސިލިޓީގައި ފަރުވާ ދެމުން ދަނިކޮންނެވެ. ހަތަރު ވަނަ މީހާ މަރުވެފައި ވަނީ ބ. އަތޮޅު އޭދަފުށީގައި ފަރުވާ ދެމުން ދަނިކޮށް ކަމަށް އެޗްޕީއޭއިން ބުނެއެވެ.
ހުޅުމާލެ ކޮވިޑް ފެސިލިޓީގައި ފަރުވާ ދެމުން އަންނަނިކޮށް މަރުވެފައި ވަނީ 70 އަހަރުގެ ފިރެހެނަކާ، 50 އަހަރުގެ ފިރެހެނެއްގެ އިތުރުން 59 އަހަރުގެ އަންހެނެކެވެ.
ބ. އަތޮޅު އޭދަފުށީގައި ކޮވިޑް-19 ޖެހިގެން ފަރުވާ ދެމުން ދަނިކޮށް މަރުވެފައި ވަނީ 87 އަހަރުގެ ދިވެހި ފިރެހެނެކެވެ.
މިއާއެކު ރާއްޖެއިން ކޮވިޑް-19 ޖެހިގެން މަރުވި މީހުންގެ އަދަދުވަނީ 165 އަށް އަރާފައެވެ،