އދ.ދަނގެތީ ފަޅު ތެރޭގައި އޮތް ސަފާރީ ބޯޓަކުން ޑައިވިންގް އަށް ފޭބި ޒުވާނަކު މަރުވެއްޖެއެވެ.
ފުލުހުން ބުނީ މިހާދިސާ ހިނގާފައިވަނީ މިރޭ 10:30 ހާއިރު ކަމަށާއި އެމީހާ ޑައިވިނަށް ފޭބީ “ބްލޫ ފޯސް 1” ސަފާރީން ކަމަށެވެ.
އަދި މޫދަށް ފޭބި މީހާގެ ޚަބަރެއް ނުވެފެން ބެލިއިރު ސަފާރީއާ ދިމާލު މޫދު އަޑީގައި އެމީހާ އޮއްވާ އޮއްވާ ފެނިފައިވާ ކަމަށްވެސް ފުލުހުން ބުނެއެވެ. ފުލުހުން އިތުރަށް ބުނީ، މޫދަށް ފޭބި މީހެއްގެ ހަބަރެއް ނުވެގެން އަދި އެ މީހާ ނެގިއިރު އެއްވެސް ހަރަކާތެއް ނެތް ކަމަށެވެ.
އެމީހާ ދަނގެތީ ސިއްހީ މަރުކަޒަށް ގެންދިޔައިރުވެސް މަރުވެފައިވާ ކަަމަށް ޑޮކްޓަރުންނާއި ހަވާލާދީ ފުލުހުން ބުނެއެވެ.
މަރުވެފައި ވަނީ އުމުރުން 32 އަހަރުގެ މުމްތާޒު ހުސައިން އެވެ. މި މީހާއަކީ ރ. އިނގުރައިދޫއަށް ނިސްބަތްވާ މީހެކެވެ.
މި ހާދިސާއާ ގުޅިގެން ބަލަންޖެހޭ ކަންކަން ފުލުހުން ދަނީ ބަލަމުންނެވެ.
advertisment