ކޮވިޑް-19 ޖެހިގެން ފަރުވާ ހޯދަމުންދިޔަ މީހަކު އަނެއްކާވެސް ރާއްޖެއިން ނިޔާވެއްޖެއެވެ.
ހެލްތް ޕްރޮޓެކްޝަން އޭޖެންސީ އެޗްޕީއޭއިން ބުނީ ލ. އަތޮޅުގައި ހުންނަ ކޮވިޑް ފެސިލިޓީގައި ފަރުވާ ދެމުން ދަނިކޮށް ނިޔާވެފައި ވަނީ 77 އަހަރުގެ ފިރެހެނެއް ކަމަށެވެ. މި މީހާ މަރުވެފައިވަނީ މިއަދު ހެނދުނު 9:13ގައި ކަމަށް އެޗްޕީއޭއިން ބުނެއެވެ.
މިއީ ރާއްޖެެއިން ކޮވިޑް-19 ޖެހިގެން ނިޔާވި 189ވަނަ މީހާއެވެ.
ފަހަކަށް އައިސް ރާއްޖޭގައި ކޮވިޑްގައި މަރުވާ މީހުންގެ އަދަދު މިވަނީ ރެކޯޑް އަދަދަކަށް އިތުރުވެފައެވެ. މި ބަލީގައި ބޮޑުވަރުވެގެން ދުވަސްވީ މީހުންގެ އިތުރުން ކުޑަ ކުއްޖަކާ ޒުވާނުން ވެސް ވަނީ ރާއްޖެއިން މަރުވެފައެވެ.
advertisment