ކ. ކާށިދޫގާ މާރާމާރީއެއް ހިންގައިފި އެވެ.
މަޢުލޫމާތު ލިބިފައިވާ ގޮތުގައި މި މާރާމާރީ ހިންގާފައިވަނީ މަގުމަތިން ދިޔަ ފިރިހެން ކުއްޖެއް ގައިގާ ޖަހައިގެން ނެވެ.
ފުލުހުން ބުނީ މި މައްސަލަ މިއަދު ހަވީރު 4:15 ހާއިރު ހުށަހަޅާފައިވާ ކަމަށެވެ.
މި މައްސަލަގައި އަނިޔާ ލިބުނު ފިރިހެން ކުއްޖާ އެ ރަށުގެ ސިއްހީ މަރުކަޒަށް ގެންގޮސް ފަރުވާ ދީފައިވާ އިރު، އެކުއްޖާއަށް ސީރިއަސް އަނީޔާއެއް ނުވާކަމަށް ވެސް ފުލުހުން ބުނެ އެވެ.
ފުލުހުން ބުނީ މި މައްސަލަ ދަނީ އިތުރަށް ތަހުގީގު ކުރަމުން ކަމަށެވެ.
މި މައްސަލައިގައި އަނިޔާވި ފިިރިހެން ކުއްޖާގެ އުމުރެއް އަދި މާރާމާރި ހިންގި ކަމުގެ ތުހުމަތު އޮތީ ކޮން ބަޔަކަށް ކަންވެސް ފުލުހުން ހާމައެއް ނުކުރެ އެވެ.
