ހުސްވެފައިވާ އޮޑިޓަރ ޖެނެރަލްގެ މަގާމަށް އެސިސްޓެންޓް އޮޑިޓަރ ޖެނެރަލް ހުސައިން ނިޔާޒީ އައްޔަންކުރަން ރައްޔިތުންގެ މަޖިލީހުގެ މާލިއްޔަތު ކޮމެޓީން މިއަދު ފާސްކޮށްފިއެވެ.
ކުރިން އެސިސްޓެންޓް އޮޑިޓާ ޖެނެރަލްގެ މަގާމު ވެސް ފުރުއްވި ނިޔާޒީގެ ނަން މަޖިލީހުގެ ތަޅުމުގައި އިއްވީ މިދިޔަ ޖޫން 30 ގައެވެ. އެ މައްސަލަ މާލިއްޔަތު ކޮމެޓީއަށް ފޮނުއްވުމުން މައްސަލަ ދިރާސާކުރުމަށް އެ ކޮމެޓީގެ މެންބަރުންގެ އަގުލަބިއްޔަތުން ވަނީ ނިޔާޒީ އައްޔަން ކުރަން ފެންނަ ކަމަށް ނިންމާފައެވެ.
ހުސެއިން ނިޔާޒީ އޮޑިޓާ ޖެނެރަލް ކަމުގެ މަގާމަށް އައްޔަން ކުރަން މަޖިލީހަށް ފޮނުއްވާފައި މިވަނީ، މީގެ ކުރިން އެމަގާމުގައި ހުންނެވި ހަސަން ޒިޔަތު އިސްތިއުފާ ދެއްވުމާ ގުޅިގެން އެމަގާމު ހުސްވެފައިވާތީއެވެ.
އޮޑިޓާ ޖެނެރަލްގެ މަގާމުން ހަސަން ޒިޔަތު އިސްތިއުފާދެއްވީ، މެއި މަހުގެ 12 ވަނދުވަހުއެވެ.