ބިދޭސީންތަކެއް ރާއްޖެ ގެނެސް މަގުމަތި ކުރި މައްސަލައެއް ފުލުހުން ބަލަން ފަށައިފިއެވެ.
ހެންވޭރުގައި ހުންނަ ގެސްޓްހައުސެއް ކައިރީގައި ފޮށިތަންމައްޗާއެކު ބިދޭސީންތަކެއް މަގުމަތީގަައި ތިބުމުން އެކަން އިމިގްރޭޝަނާއި ފުލުހުންގެ ސަމާލުކަމަށް ވަނީ ގެނެސްފައެވެ.
ފުލުހުން ބުނީ އެފަދަ ޝަކުވާއެއް ލިބިފައިވާ ކަމަށާއި އެކަމާ ގުޅޭ މައުލޫމާތު ކަމާގުޅޭ އެހެން އިދާރާތަކާއި ހިއްސާކޮށްފައިވާ ކަމަށެވެ.
އަދި އެ އިދާރާތަކާއި ގުޅިގެން ބަލަންޖެހޭ ކަންކަން ބަލަމުންދާއިރު މައްސަލަ ހައްލު ކުރެވޭތޯ މަސައްކަތް ކުރަމުންދާ ކަމަށް ފުލުހުން ބުނެއެވެ.
މައުލޫމާތު ލިބޭ ގޮތުގައި އެމީހުންނަކީ ޕާކިސްތާނު ބަޔެކެވެ. އަދި އެމީހުން އައީ ހޮޓަލަކަށް ފައިސާ ދައްކާފައި ކަމަށާއި ނަމަވެސް ރާއްޖެ އައުމުން އެމީހުންނާ ހަވާލުވި އެޖެންޓު އެމީހުން އެތަނަށް ބޭލުމަށް ފަހު ވަންނާނެ ތަނެއް ނުދައްކައި ފިލީ ކަމަށް އޭނާ ބުންޏެވެ.
