މާފުށީ ޖަލަށް ގިނަ އަދަދެއްގެ މަނާ ތަކެތި އެތެރެކުރަން އުޅުނު މީހަކު ހައްޔަރުކޮށްފިއެވެ.
ކޮމިޝަނަރ އޮފް ޕޮލިސް މުހައްމަދު ހަމީދު ވިދާޅުވީ ފުލުހުންގެ އިންޓެލިޖެންސާއި މާފުށީ ފުލުހުންނާއި ކަރެކްޝަންސް އިން މިއަދު ހެނދުނު ހިންގި އޮޕަރޭޝަނެއްގައި މާފުށީ ޖަލަށް މަނާތަކެތި އެތެރެކުރަން މަސައްކަތް ކުރި މީހަކު ހައްޔަރު ކޮށްފައިވާ ކަމަށެވެ.
އެތެރެކުރަން އުޅުނު ތަކެތީގެ ތެރޭގައި 50 ސްމާޓް ފޯނާއި 42 ފީޗަރ ފޯނާއ 109 ފޯނު ޗާޖަރާއި 77 ޔޫއެސްބީ ކޭބަލް އާއި 65 ހެޑްސެޓާއި، 49 ދިރާގު ސިމް ކާޑާއި 12 އުރީދޫ ސިމް ކާޑާއި ދެ ޕެކެޓް ކަޓަރު ތިލަ އާއި އަދި 10 މިސްވާކް ހިމެނޭ ކަމަށް ސީޕީ ވިދާޅުވިއެވެ.