ގަލޮޅު މަދަރުސާގައި ކިޔަވަމުންދާ ދަރިވަރަކަށް ޖިންސީ ގޯނާކުރި މައްސަލާގައި މީހަކު ހައްޔަރުކޮށްފިއެވެ.
ފުލުހުން ބުނީ، އެ މައްސަލައިގެ ތުހުމަށް ކޯޓު އަމުރެއްގެ ދަށުން ހައްޔަރުކޮށްފައިވަނީ 63 އަހަރުގެ ދިވެހި އަންހެނެއް ކަމަށާއި އޭނާ ހައްޔަރުކުރީ ރޭގެ ވަގުތެއްގައި ކަމަށެވެ.
ގަލޮޅު ސްކޫލުގައި ކިޔަވާ ކުޑަ އަންހެން ކުއްޖަކަށް ޖިންސީ އަނިޔާކުރި މައްސަލައިގައި ތުހުމަތުކުރަނީ އެ ސްކޫލުގައި މަސައްކަތު މީހެއްގެ ވަޒީފާ އަދާކުރާ އަންހެނަކަށެވެ. އެކަމާ ގުޅިގެން އެ ސްކޫލްގެ ހުރިހާ މަސައްކަތު މީހުން މިވަގުތު ތިބީ ސަސްޕެންޝަނުގައެވެ. އަދި ކުދިން ފާހާނާއަށް ދާނީ ކްލާސް ޓީޗަރުގެ ބެލުމުގެ ދަށުން ކަމަށް ވެސް ބުނެފައިވެއެވެ.
