މަސްވެރިންގެ ދުވަހާއި ދިމާކޮށް ކ. ގާފަރުގައި “އޮޑިވެރިޔާ ފޯރަމް” މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ބާއްވައިފި އެވެ.
މިއަހަރުގެ މަސްވެރިންގެ ދުވަހަށް އަމާޒުކޮށް ގާފަރުގައި “އޮޑިވެރިޔާ ފޯރަމް” ގެ ނަމުގައި ފޯރަމްއެއް މަސްވެރިންނަށާއި އަދި އޮޑިވެރީންނަށް އެމްޓީސީސީއިން ކުރިޔަށް ގެންދިޔައީ އިއްޔެ އެވެ. އެމްޓީސީސީއިން ބުނެފައިވާ ގޮތުގައި މި ފޯރަމް ބޭއްވި މައިދަނޑު މަގްސަދަކީ، ކުންފުނިން ވިއަކާ މެރިން ދާއިރާއާއި ގުޅުން ހުރި މުދަލާއި ހިދުމަތްތަކާއި އަދި ބޯޓުޔާޑުން ލިބޭ ހިދުމަތްތަކުގެ މައުލޫމާތު ދާއިރާގެ ވީހާވެސް ގިނަ ފަރާތްތަކަށް ހިއަސާކޮށް، ކުންފުނިން ހޯދައިފައިވާ އިތުބާރު ދެމެހެއްޓުމެވެ.
On the occasion of this year's Fishermen's Day, we organized "Odiveriya Forum" today at K. Gaafaru. The purpose of the forum is to brief the fishermen and boat owners on our marine related products, services and services extended by our boatyard.#FishermensDay #OdiveriyaForum pic.twitter.com/LbTVb8Zcrn
— MTCC Plc (@MTCCPlc) December 9, 2021
ފޯރަމް ބާއްވާފައިވަނީ ޑިސެންބަރ 9 ވަނަ ދުވަހުކަމަށް ވާއިރު، ބައްދަލުވުމުގައި އެމްޓީސީސީގެ ބޯޓުޔާޑުގެ އިތުރުން ކަށަވަރުގެ ހިދުމަތްތަކާއި ބެހޭގޮތުން އެމްޓީސީސީގެ އިންޖިނިއަރިންގ އަދި ޓްރޭޑިންގެ 6 މެންބަރުން ހިމެނޭހެން، ޕެނަލް ޑިކްޝަނެއްވެސް ކުރިޔަށް ގެންގޮސްފައި ވެއެވެ. އެގޮތުން ޔަންމާ އިންބޯޑް އިންޖީނާއި ސުޒުކީ އައުޓްބޯޑް އިންޖީނާއި ކާސްޓްރޯލް އަޑީތެލާއި ޕީޕީޖީ ޕްރޮޓެކްޓިވް މެރިން ކޯޓިންގް ހިމެނެއެވެ.
އަދި ވަޑާމުގެ ހިދުމަތްތަކުގެ މައުލޫމާތުވެސް ފޯރަމްގައި ވަނި ހިއްސާކުރި އެވެ. އެމްޓީސީސީގެ އަމާޒަކީ މެރިން ދާއިރާއަށް ބޭނުންވާ ހުރިހާ މުދަލަކާއި ހިދުމަތެއްގެ ހައްލު އެއް ފުރާޅެއްގެ ދަށުން އޮޑީވެރިންނާއި މަސްވެރިންނަށް ލިބޭނެ މަގުފަހިކޮށްދިނުމެވެ.
އަމާޒަކީ އަބަދުވެސް ރައްޔިތުންނާއި ގާތުން ހިދުމަތްތައް ފޯރުކޮށްދީ، އެމްޓީސީސީގެ ހިދުމަތްތައް ލިބިގަންނަ ފަރާތްތަކަށް ލުއިފަސޭހަ ގޮތްތަކެއް ހޯދައިދިނުން ކަމަށް އެމްޓީސީސީން ބުނެފައިވެއެވެ.
advertisment