ޕިކްނިކް އައިލެންޑް ހަވަލުކުރުމަށްޓަކާ ރައީސް އިބްރާހިމް މުހައްމަދު ސޯލިހު މިއަދު ކ. މާފުއްޓަށް ވަޑައިގަންނަވަން ހަމަޖެހިއްޖެއެވެ.
ރައީސް އޮފީހުގެ ތަރުޖަމާނު މުހައްމަދު މަބްރޫކް އަޒީޒު ވިދާޅުވީ ރައީސްގެ މި ދަތުރުފުޅަކީ އެއް ދުވަހުގެ ދަތުރެއް ކަމަށެވެ. މި ދަތުރުފުޅަކީ މާފުށީ ކައިރީގައި ހިއްކާފައިވާ ޕިކްނިކް އައިލެންޑު އެ ރަށު ކައުންސިލާގައި ރަސްމީކޮށް ހަވާލު ކުރުމަށް ކުރައްވާ ދަތުރުފުޅެއް ކަމަށް މަބްރޫކު ވިދާޅުވި އެވެ.
މީގެއިތުރުން، މާފުށި ކައިރީގައި ހިއްކާފައިވާ ޕިކްނިކް އައިލެންޑްގެ މަޝްރޫއަކީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮންޕެނީ (އެންޓީސީސީ) އާއި ހަވާލުކޮށްފައިވާ މަޝަރޫޢުއެކެވެ. އަދި އެމްޓީސީސީއިން ބުނެފައި ވަނީ މި މިހުގެ 19 ވަނަ ދުވަހު އެތަނުގެ ބިން ހިއަކާ ނިންމަފައިވާ ކަމަށެވެ.
އެމްޓީސީސީއިން ބުނެފައި ވަނީ ޕިކްނިކް އައިލެންޑަކީ 2 ހެކްޓަރުގެ ބިމެއް ކަމަށާއި، މިހާރު ކުރިއަށް ދަނީ ޕިކްނިކް އައިލެންޑްގެ ގޮނޑުފޮށް ހިމާޔަތް ކުރުމުގެ މަސައްކަތް ކަމަށެވެ. އަދި މި މަޝްރޫއަކީ 10.8 މިލިއަން ރުފިޔާގެ މަޝްރޫއެއް ކަމަށްވެސް އެމްޓީސީސީއިން ވަނީ ބުނެފައެވެ.
advertisment