މާފުށީ ފަޅު ތެރެއިން ގެނބިފައި އޮއްވާ ފެނުނު މީހާ މަރުވެއްޖެއެވެ.
މާފުށީ ވޯޓާރ ސްޕޯޓްސްތަކާއި ދިމާލުން ފަޅު ތެރޭގައި ގެނބިގެން ރާއްޖެއިން ބޭރު އަންހެނަކު މަރުވެފައި އޮއްވާ ފެނިފައިވާކަމަށް މާފުށީ ކައުންސިލުން ބުނިއެވެ.
މި މީހާ މާފުށީ ހޮސްޕިޓަލަށް ގެންގޮސްފައިވާކަމަށް ބުނެފައިވާއިރު، މިހާތަނަށް މި މީހާއާއި ގުޅޭ އިތުރު މައުލޫމާތެއް ސާފުވެފައި ނުވާތީ، މި މީހާއާއި ގުޅޭ އެއްވެސް މައުލޫމާތެއް އެނގިފައިވާ ފަރާތެއްވާނަމަ މާފުށީ ޕޮލިސް ސްޓޭޝަންއަށް އަންގަވައިދެއްވުމަށް ކައުންސިލުން ވަނީ އެދިފައެވެ.
ފުލުހުންވެސް ވަނީ މިކަން ކަށަވަރު ކޮށްދެއްވާފައެވެ. 10:25 ހާއިރު އެކަމާއި ގުޅޭ ރިޕޯޓެއް ލިބިފައިވާކަމަށް ފުލުހުން ބުނިއެވެ. ނަމަވެސް ފުލުހުން ބުނި ގޮތުގައި އެމީހާ ނިޔާވީ ހޮސްޕިޓަލުގައި ފަރުވާ ދެމުން ދަނިކޮށެވެ.