ރާއްޖޭގައި ކޮވިޑުގެ ހާލަތު ގޯސްވެ، އޭޑީކޭ ހޮސްޕިޓަލުގެ ބަލި މީހުންނަށް ޒިޔާރަތްކުރުން މަނާކޮށްފި އެވެ.
ބަޔާނެއް އާއްމުކޮށް އޭޑީކޭ ހޮސްޕިޓަލުން ބުނީ ކޮވިޑް-19 ފެތުރުން އިތުރުވެފައިވާތީ ސިއްހީ ހިދުމަތްތެރިންގެ ރައްކާތެރި ކަމަށް ފިޔަވަޅުތައް ވަރުގަދަ ކުރަމުންދާ ކަމަށެވެ. އަދި ހާލަތު ގޯސްވެފައިވާތީ، މިއަދުން ފެށިގެން އެ ހޮސްޕިޓަލްގައި އެޑްމިޓްކޮށް ފަރުވާ ދޭ މީހުން ކައިރިއަށް ޒިޔާރަތް ކުރުން މަނާކޮށްފައިވާކަމަށް ބަޔާނުގައި ވެއެވެ.
މި އުސޫލާއި އެކު އެޑްމިޓުކޮށްގެން ފަރުވާ ދޭ މީހުންގެ އެހީތެރިއެއްގެ ގޮތުގައި ހޮސްޕިޓަލުގެ ތެރޭގައި މަޑު ކުރެވޭނީ އެންމެ މީހަކަށެވެ. އަދި އެ މީހަކީ ކޮވިޑުގެ އެއްވެސް އަލާމާތެއް ނެތް މީހަކަށް ވާން ޖެހޭނެކަމަށް އޭޑީކޭ ހޮސްޕީޓަލުން ބުންޏެވެ.
We will be stop allowing visiting inpatients effective from 22 Jan 2022 until further notice as a precaution due to the current spread of Covid 19. We thank you for your kind adherence to these controls. #StaySafe pic.twitter.com/D7N12bJrRs
— ADK Hospital (@ADKHospital) January 21, 2022
މީގެ އިތުރުން އޭޑީކޭއިން ވަނީ ކޮންމެހެން ހޮސްޕިޓަލަށް އަންނަން ޖެހޭ ހާލަތެއްގައި ނޫނީ ހޮސްޕިޓަލަށް ނުދިއުމަށާއި، ގިނަ މީހުން އެއް ފަހަރާ ހޮސްޕިޓަލަށް ނައުމަށް އިލްތިމާސްކޮށްފަ އެވެ. އަދި ބަލިވެގެން ޑޮކްޓަރަށް ދައްކަން އަންނައިރު އެހީތެރިއެއްގެ އިތުރުން އެހެން މީހުން ނައުމަށް ވެސް އެދުނެވެ.
advertisment