ގިނަ އަދަދެއްގެ ބަނގުރާ ފުޅި ތަކަކާ އެކު ރޭ ހައްޔަރުކުރި ސިފައިންގެ މީހާގެ ބަންދަށް 10 ދުވަސް ޖަހައިފިއެވެ.
އޭނާ ހައްޔަރުކޮށްފައިވަނީ ފުލުހުންގެ ޑްރަގް އެންފޯސް ޑިޕާޓްމަންޓުން ރޭ މާލޭގައި ހިންގި އޮޕަރޭޝަނެއްގަ އެވެ. ރޭ 8:30 ހާއިރު އެ ސިފައިންގެ މީހާ ހައްޔަރުކުރީ އޭނާ ދިރިއުޅުނު ތަނެއް ބަލައި ފާސްކުރުމަށްފަހު އެވެ. އެނގިފައިވާ ގޮތުގައި ސިފައިންގެ މީހާއާ އެކު އިތުރު މީހަކު ވެސް ހައްޔަރުކޮށްފައިވެ އެވެ.
ސިފައިންގެ މީހާގެ ބަންދަށް 10 ދުވަސް ޖަހާފައިވަނީ ބަންދާއި މެދު ގޮތެއް ނިންމުމަށް މިއަދު ކޯޓަށް ހާޒިރުކުރުމުންނެވެ.