ކުންފުނިތަކުގެ އެމްޑީއިން އުޅެނީ ރައީސްއަށް ތިއްތި ދެއްކެން: ޝިޔާމް

ސަރުކާރު ކުްނފުނިތަކުގެ މެނޭޖިން ޑިރެކްޓަރުން އުޅެނީ ރައީސުލްޖުމްހޫރިއްޔާއަށް ތިއްތި ދެއްކެންކަަމަށް ނައިފަރު ދާއިރާގެ މެމްބަރު އަހުމަދު ޝިޔާމް ވިދާޅުވެއްޖެއެވެ.

މެމްބަރު ޝިޔާމް މިހެން ވިދާޅުވީ ސަރުކާރު ކުންފުނިތަކާއި ހަވާލުކޮށްގެން ކުރިއަށް ގެންދާ މަޝްރޫއުތައް ލަސްކަމަށް ވިދާޅުވެ މަކުނުދޫ ދާއިރާގެ މެމްބަރު އަހުމަދު ރާއީ ޓުވީޓުކުރެއްވުމުންނެވެ. މެމްބަރު ރާއީ ކުރެއްވި ޓުވީޓު ޓުވީޓު ރީޓުވީޓުކުރައްވާ ޝިޔާމް ވިދާޅުވީ މިސަރުކާރަކީ ލަސް ސަރުކާރެއް ކަމަށެވެ.

ޝިޔާމް ވިދާޅުވީ މިސަރުކާރަކީ ”ސްލޯ“ ސަރުކާރެއްކަމަށް ފާހަގަކުރަމުންދަނީ ޖޯކަކަށް ނޫންކަމަށެވެ. ކުންފުނިތަކުގެ މަސައްކަތް ހުރީ ފުނިޖެހިފައި ކަމަށާއި ސަރުކާރުގެ ކުންފުނިތަކަކީ ކޮރަޕްޝަން ހާލިތަކެއްކަމަށް ޝިޔާމް ވިދާޅުވިއެވެ. އަދި ސަރުކާރު ކުންފުނިތައް ބަނގުރޫޓޫވެގެންދާއިރު ކުންފުނިތަކުގެ ވެރިންގެ މޫނުމަތި ވަރަށް އުޖާލާކަމަށާއި ކުންފުނިތަކުގެ ވެރިން އުޅެނީ ރައީސްއަށް ތިއްތި ދެއްކެންކަމަށް ޝިޔާމް ވިދާޅުވިއެވެ.

މަކުނުދޫ ދާއިރާގެ މެމްބަރު ރާއީ ވަނީ ސަރުކާރު ކުންފުނިތަކުގެ މަސައްކަތް ލަސްކަން ފާހަގަކުރައްވާ ކަންބޮޑުވުން ފާޅުކުރައްވާފައެވެ. އެގޮތުން ބައެއް ދާއިރާތަކުގެ މަސައްކަތްތައް ސަރުކާރުން ކުންފުނިތަކުން ކުރިއަށްގެންދަނީ ފިނިހަކަ ސްޕީޑުގައިކަމަށް ވިދާޅުވިއެވެ. އަދި އަބަދު މަންމަނަކަށް ވެގެން ނުހުރެވޭނެކަމަށް ވިދާޅުވެ މަސައްކަތްތައް ހުއްޓިފައިވާކަމުގެ ކަންބޮޑުވުން ފާޅުކުރެއްވިއެވެ. ރާއީ ވިދާޅުވީ ކޮންޓްރެކް ކުރެވިފައިވާ މުއްދަތު ފަހަނަ އަޅާ، ގިނަ މަސައްކަތްތައް ވަނީ ހުއްޓިފައި ނުވަތަ ނޫނީ ވާނުވާގައި ކަމަށެވެ. އަދި ކޮންޓްރެކްޓް ކުރެވޭ ގޮތުން ދެން ހެދޭނެ ގޮތެއްވެސް ނެތްކަމަށް ރާއީ ވިދާޅުވިއެވެ.

'Slow' sarukaaru alhugandumen mikiyanee jokakahnoon @Mraee12 . Sarukaaru kunfunithah bangurootuvee iru ethanthan head kuran thibi faraaiythakuge moonuthah nulaahiku ujaalaa. Kunfuni thaakakee masakkaiy funijehifahuri corruption ge haalithakeh. MD in ulhenee RJ ah thihthidhekken. https://t.co/VxJGnA8ncb

— Ahmed Shiyam (@Shiyamaldives) February 12, 2022

މިސަރުކާރަކީ ލަސް ސަރުކާރެއް ކަމަށާއި ސަރުކާރުގެ މަޝްރޫއުތައް ކުރިއަށް ދަނީ ފިނިހަކަ ސްޕީޑުގައިކަމަށް އިދިކޮޅު މެމްބަރުން އަންނަނީ ތަކުރާރުކޮށް ވިދާޅުވަމުންނެވެ. ތަރައްގީގެ އެއްވެސް މެގަ ޕްރޮޖެކްޓެއް ސަރުކާރުން ނުހިންގާ ކަމަށާއި ސަރުކާރުގެ މަސައްކަތްތަކުގެ އެއްވެސް ޕްލޭނެއް ނެތްކަމަށްވެސް އިދިކޮޅު މެމްބަރުން އަންނަނީ ވިދާޅުވަމުންނެވެ. ސަރުކާރަށް ނިސްބަތްވާ މެމްބަރުންވެސް އަންނަނީ ބައެއް ވުޒާރާތަކުގެ މަސައްކަތްތައް ވަރަށް ލަސްކަން ފާހަަހަގަކުރައްވާ އެކަމުގެ ކަންބޮޑުވުން ފާޅުކުރަމުންނެވެ.