ރ. ދުވާފަރު މަގުހެދުމުގެ މަޝްރޫއު ދެވަނަ ފިޔަވަހީގެ މަސައްކަތުގެ 65 ޕަސެންޓް ނިމިއްޖެ ކަމުގައި އެމަސައްކަތުގެ ކޮންޓްރެކްޓަރ އެމްޓީސީސީއިން ހާމަކޮށްފިއެވެ.
މީގެ އިތުރުން މަގުގައި ދުއްވާ ސަރަހައްދުގެ ސަބްގްރޭޑް އަދި ސަބްސްޕޭސް ގެ އިތުރުން ފެންހިންދާ ނިޒާމް ގާއިމްކުރުމުގެ މަސައްކަތް ނިމިފައިވާ ކަމަށް އެކުންފުނިން ހާމަކޮށްފައިވެއެެވެ. އަދި ޕޭވްމަންޓް މަސައްކަތުގެ 65 ޕަސެންޓް ނިމިފައިވާ ކަމުގައި ވެސް އެމްޓީސީސީއިން ވަނީ ވިދާޅުވެފައެވެ.
މަގުހެދުމުގެ ދެވަނަ ފިޔަވަހީގެ މަޝްރޫޢުގެ ދަށުން ފައިމަގުގައި ހިނގޭ ގޮތަށް 4960 އަކަ މީޓަރުގެ ސަރަޙައްދެއް ހެދުމާއި، މަގުގައި ދުއްވޭ ގޮތަށް 17790 އަކަ މީޓަރުގެ ސަރަޙައްދެއް ހެދުމަށް ހަމަޖެހިފައިވެއެވެ. އަދި ކޭބަލް ހޮޅި ވަޅުލުމާއި މަގުބައްތި އާއި ނިޝާން ހަރުކުރުމުގެ މަސައްކަތްވެސް މި މަޝްރޫއުގައި ހިމެނެއެވެ.
މި މަޝްރޫއުގެ އަގަކީ 37.8 މިލިޔަން ރުފިޔާއެވެ.
ރ. ދުވާފަރު މަގުހެދުމުގެ މަޝްރޫއު (ދެވަނަ ފިޔަވަހި) ގެ މަސައްކަތުގެ 65 ޕަސެންޓް ނިމިއްޖެ. ދުއްވާ ސަރަޙައްދުގެ ސަބްގްރޭޑް އަދި ސަބްބޭސް މަސައްކަތްތަކާއި ފެންހިންދާ ނިޒާމް ޤާއިމުކުރުމުގެ މަސައްކަތް ވަނީ ނިމިފައި. އަދި ޕޭވަމަންޓް މަސައްކަތުގެ 65 ޕަސެންޓް ވަނީ ނިމިފައި. pic.twitter.com/i4hecNsK4F
— MTCC Plc (@MTCCPlc) February 15, 2022