ކ. މާފުށީ އިންޖީނުގޭ ފުރާޅުގައި ރޫފްޓޮޕް ސޯލާ ހަރުކުރުމުގެ މަސައްކަތް ފަށައިފިއެވެ.
ސްޓެލްކޯގެ އިޔާދަކުރަނިވި ހަކަތައިގެ ސިޔާސަތުތަކާއި އެއްގޮތަށް، ހުރިހާ އިންޖީނުގެއެއްގެ ފުރާޅުގައި ސޯލާ ހަރުކުރުމަށް ކުރިއަށް ގެންދާ މަޝްރޫއުގެ ދަށުން ހަރުކުރާ ސޯލާ އެވެ.
އަދި މިއީ ސަރުކާރުގެ ސިޔާސަތުތަކާއި އެއްގޮތަށް ކަރަންޓު އުފެއްދުމުގައި، އިޔާދަކުރަނިވި ހަކަތަ ބޭނުންކުރާ މިންވަރު އިތުރުކުރުމުގެ ގޮތުން ސްޓެލްކޯ އިން ކުރިއަށްގެންދާ މަޝްރޫއެކެވެ.
އެ ކުންފުނިން ބުނީ، މާފުށީ އިންޖީނުގޭ ފުރާޅުގައި ހަރުކުރާނީ 33.48kWpގެ ރޫފްޓޮޕް ސޯލާ ކަމަށެވެ.
ސްޓެލްކޯ އިން ދަނީ އދ. ކުނބުރުދޫ އިންޖީނުގޭ ފުރާޅުގައިވެސް ސޯލާ ހަރުކުރުމުގެ މަސައްކަތް ކުރަމުންނެވެ. އެރަށު އިންޖީނުގޭގެ ފުރާޅުގައި ހަރުކުރަނީ 21.7kWpގެ ސޯލާ އެވެ.
advertisment