ހުޅުމާލެ ދެވަނަ ފިޔަވަހިން ސީދާ ދަތުރުތައް އަންނަ މަހު ފަށާ ގޮތަށް އެމްޓީސީސީއިން ހަމަޖައްސައިފިއެވެ.
މިކަން ހާމަކޮށް ކުންފުނީގެ ސީއީއޯ އާދަމް އާޒިމް ވިދާޅުވި ގޮތުގައި އަންނަ މާޗް މަހުގެ ދެވަނަ ދުވަހުން ފެށިގެން އެމްޓީސީސީގެ ބަހުގެ ހިދުމަތް ސީދާ ހުޅުމާލެ ދެވަނަ ފިޔަވަހިން ފެށުމަށް ވަނީ ހަމަޖެހިފައެވެ.
އާޒިމް ވިދާޅުވި ގޮތުގައި ޓްރެފިކް މާ ގޯސް ނޫންނަމަ ކޮންމެ އެއްގަޑި އިރަކުން ބަސް އަންނާނެ ކަމަށާއި ޖުލައި މަސް ނިމުމުގެ ކުރިން ކޮންމެ ފަނަރަ މިނެޓަކުން ދެވަނަ ފިޔަވަހިން މާލެއަށް ބަސް ދަތުރު ތާވަލު ކުރެވިގެން ދާނެއެވެ.
2 March 2022 in feshigen hulhumale’ Phase 2 in Male ah direct bus dhathuru thah fesheyne. Bus thah annaanee traffic maa goas noonihyaamu komme 1 gadi irakun adhi July 2022 nimumuge kurin komme 15 minute akun bus annaane. @MTCCPlc
— Adam Azim (@adamazim) February 24, 2022
މިވަގުތު މާލެ އާއި ހުޅުމާލެ އިން ދެވަނަ ފިޔަވައްސަށް ސީދާ ދަތުރުކުރާނެ ބަހެއް ނެތުމުގެ ސަބަބުން މާލެއިން ހުޅުމާލެ ދެވަނަ ފިޔަވައްސަށް ކުރާ ބަސްދަތުރު ތަކަށް ގިނަ ވަގުތު ހޭދަ ކުރަން ޖެހޭ ކަން ފާހަގަކޮށްލެވެއެވެ. މީގެ އިތުރުން މާލޭ ސަރަޙައްދުގައި ބަހުގެ ޚިދުމަތް ދޭ ރޫޓުގެ ތެރެއިން ހުޅުމާލޭ ދެވަނަ ފިޔަވަހިން ސީދާ މާލެއަށް އަދި މާލެއިން ސީދާ ހުޅުމާލޭ ދެވަނަ ފިޔަވައްސަށް ދަތުރުކުރެވޭނެ ނިޒާމެއް އަދި ހަމަޖެހިފައެއް ނުވެއެވެ. މިވަގުތު އެ ދަތުރުތައް ކުރަނީ މާލެއިން ހުޅުމާލޭގެ ފުރަތަމަ ފިޔަވަހީގެ ވަކި ބަސް ސްޓޮޕްތަކަކަށް ފޭބުމަށްފަހު އެތަނުން ދެވަނަ ފިޔަވައްސަށް ދާން އިތުރު ބަހަކަށް އަރައިގެންނެވެ.
advertisment